निर्णय नं. १०७४४ - ठगी

सर्वोच्च अदालत, संयुक्त इजलास

माननीय न्यायाधीश श्री अनिलकुमार सिन्हा

माननीय न्यायाधीश श्री पुरूषोत्तम भण्डारी

फैसला मिति : २०७६।१०।२३

०७३-CR-०६२२

 

मुद्दा : ठगी

 

पुनरावेदक / वादी : ऋषिप्रसाद जैसीसमेतको जाहेरीले नेपाल सरकार

विरूद्ध

विपक्षी / प्रतिवादी : जिल्ला कैलाली, टीकापुर नगरपालिका वडा नं.९ बाट नागरिकता प्राप्‍त गरी ऐ. जिल्ला, दरख गाउँ विकास समिति वडा नं.५ स्थायी वतन भई, हाल जिल्ला सुर्खेत, विरेन्द्रनगर नगरपालिका वडा नं.६ हटियालाइनमा त्रिमूर्ति मार्केटिङ तथा शिवशक्ति ट्रेडर्स एन्ड सप्लायर्स सञ्चालन गरी बस्ने डिल्लीप्रसाद सापकोटासमेत

 

‍कुनै फर्म वा कम्पनीको आडमा कुनै व्यक्तिले अपराधजन्य कार्य गरेको छ भने फर्म वा कम्पनी दर्ता रहेकै कारण दर्तावालालाई कसुरदार ठहर्‍याउन न्यायोचित नहुने । जाहेरवालासँग त्यस्तो कम्पनी वा फर्मको दर्तावालाको प्रत्यक्ष वा अप्रत्यक्ष कुनै सम्पर्क थियो थिएन, त्यस्तो दर्तावालाले योजना तयार गरी अरू व्यक्तिमार्फत कुनै रकम लिने खाने प्रपञ्‍च गरेको हो, होइन, ठगीबाट तत्काल प्राप्त गरेको लाभको कुनै अंश त्यस्तो दर्तावालाले आफैँले लिए खाएको देखिन्छ, देखिँदैन इत्यादि सबुद प्रमाणको आधारमा मात्र कुनै व्यवसाय वा सम्पत्तिको दर्तावालाको आपराधिक दायित्व थियो, थिएन भनी हेर्नु आवश्यक हुने । आपराधिक दायित्वको निर्क्यौल यान्त्रिक रूपमा दर्ताको आधारमा मात्र गर्ने होइन, फौजदारी न्याय प्रणालीसम्बन्धी न्यायका मान्य सिद्धान्त तथा कानूनी व्यवस्था र मुद्दाको तथ्यबिच तादम्यता राखी कसुर स्थापित गर्नु आवश्यक हुने ।

(प्रकरण नं.७)

 

पुनरावेदक / वादीका तर्फबाट : विद्वान्‌ सहन्यायाधिवक्ता श्री ध्रुवकुमार चौहान

विपक्षी / प्रतिवादीका तर्फबाट : विद्वान्‌ वरिष्ठ अधिवक्ता श्री शम्भु थापा र अधिवक्ताद्वय श्री कृष्ण थापा र श्री उज्वल घिमिरे

अवलम्बित नजिर :

ने.का.प.२०६९, अङ्क ३, नि.नं.८७९३

ने.का.प.२०६७, अङ्क १, नि.नं.८३०२

ने.का.प.२०६६, अङ्क ४, नि.नं.८११९

सम्बद्ध कानून :

सरकारी मुद्दासम्बन्धी ऐन, २०४९

 

सुरू तहमा फैसला गर्नेः- 

जिल्ला न्यायाधीश श्री लिलाराज अधिकारी

सुर्खेत जिल्ला अदालत

पुनरावेदन तहमा फैसला गर्ने 

मुख्य न्यायाधीश श्री तेजबहादुर के.सी.

न्यायाधीश श्री गुणराज ढुंगेल

उच्च अदालत, सुर्खेत

 

फैसला

न्या.अनिलकुमार सिन्हा : न्याय प्रशासन ऐन, २०७३ को दफा ९ बमोजिम यसै अदालतको क्षेत्राधिकारभित्र परी दायर हुन आएको प्रस्तुत मुद्दाको संक्षिप्त तथ्य एवं ठहर यसप्रकार रहेको छः-

तथ्य खण्ड

प्रथम पक्ष त्रिमूर्ति मार्केटिङको तर्फबाट निर्देशक डिल्ली सापकोटा र द्वितीय पक्ष टेकबहादुर भण्डारी अध्यक्ष सुर्खेत वाणिज्य सङ्घबिच मिति २०६१।११।१८ मा भएको घरभाडासम्बन्धी सम्झौता पत्र मिसिल सामेल रहेको ।

प्रा.फा.नं.१३४०४/०६०/०६१ को त्रिमूर्ति मार्केटिङ फर्मका प्रोपाइटर श्यामप्रकाश सापकोटाको नामको फर्म सुर्खेत जर्बुटा १ पिपरा बस्ने हुमलाल कँडेलको नाममा सम्पत्ति परिवर्तन हुने गरी नामसारी गरिएको छ भन्‍ने बेहोराको घरेलु तथा साना उद्योग विकास समिति मुख्य कार्यालय, सुर्खेतको ०६६/०६७ को च.नं.४६९, मिति २०६६।९।२६ गते नामसारी गरी दिएको प्रमाणपत्रको प्रतिलिपि ।

प्रा.फा.र.नं.१३४०४/०६०/०६१ स्था.व्या. लेखिएको मिति २०६१।१।१३ गते त्रिमूर्ति मार्केटिङ फर्मको प्राइभेट फर्म दर्ताको प्रमाणपत्र जिल्ला सुर्खेत विरेन्द्रनगर नगरपालिका वडा नं.३ बस्ने श्याम प्रकाश सापकोटालाई रू.३,००,०००।- (तीन लाख रूपैयाँ) पुँजी उल्लेख गरी अनुमति प्रदान गरिएकोमा मिति २०६६।९।२६ गतेदेखि उक्त फर्मको स्वामित्व जिल्ला सुर्खेत जर्बुटा १ पिपरा बस्ने हुमलाल कँडेलको नाममा परिवर्तन गरिएको बेहोरा उल्लेख भएको वाणिज्य कार्यालय नेपालगन्जबाट प्रदान गरिएको प्राइभेट फर्म दर्ताको मिति २०६६।९।२६ को प्रमाणपत्रको प्रतिलिपि मिसिल सामेल रहेको ।

यस भवनको अगाडि साइड सटर कोठामा शिवशक्ति ट्रेडर्स एन्ड सप्लायर्सका प्रो. तुलसीदेवी कँडेलले कोठा भाडामा लिई कारोबार सञ्चालन गरिरहेको अवस्थामा एक्‍कासी आई कारोबार बन्द गरी हालसम्म सम्पर्कमा नआएकोले यस सङ्घले घर बहालबापत प्रतिमहिना रू.७,५००।- दरले भाडामा लगेकोमा निजहरूले हाल यस सङ्घको तिर्नुपर्ने जम्मा रू.९६,७५०।- (छयानब्‍बे हजार सात सय पचास रूपैयाँ) नतिरी भागी गएका हुँदा कानूनबमोजिम गरी उक्त भाडामा लिएको कोठासमेत खाली गरिपाउँ भन्‍ने बेहोराको उद्योग वाणिज्य सङ्घ सुर्खेतको पत्र र शिवशक्ति ट्रेडर्स एन्ड सप्लायर्सका प्रो.तुल्सीदेवी कँडेल र उद्योग वाणिज्य सङ्घ सुर्खेतका अध्यक्ष पदमबहादुर शाहीबिच भएको घर भाडासम्बन्धी मिति २०६९।९।१७ गते भएको सम्झौतापत्र मिसिल सामेल रहेको । 

मेरो जेठी छोरी तुलसीदेवी कँडेलको श्रीमान् मेरो ज्वाइँ डिल्लीप्रसाद सापकोटाले मेरो नाममा रहेको ०-१-१० जग्गासमेत बैंक ग्यारेण्टी राखी मेरो नाममा त्रिमूर्ति मार्केटिङ नामक फर्म दर्ता गरी सञ्चालन गर्दै आउनुभएकोमा मिति २०६९।११।२ गते मेरो छोरी तुलसीदेवी कँडेल बिरामी भई सनसाइन मेडिकलमा उपचार गराइरहेकोमा छाडी काम विशेषले नेपालगन्ज जान्छु भनी गएकोले हाल निजले सञ्चालन गरेको मेरो नाममा दर्ता भएको त्रिमूर्ति मार्केटिङसमेत बन्द गरेकाले सोबाट मेरो अन्य धन सम्पत्तिसमेत जोखिममा परेकोले निजलाई खोजतलास गरी कानूनबमोजिम गरिपाउँ भनी हुमलाल कँडेलले जिल्ला प्रहरी कार्यालय सुर्खेतमा दिएको सक्‍कल निवेदनसहितका उक्त कार्यालयको च.नं.२९३७, मिति २०६९।११।११ गतेको पत्र ।

भुक्तानी पाउने गरी मेरो नाममा मिति २०६९।१०।९ गते पठाएको नगद रू.१,६०,०००।- (एक लाख साठ्ठी हजार रूपैयाँ) भुक्तानी लिन भनी म उक्त मार्केटिङको कार्यालयमा जाँदा उक्त आई.एम.ई.का सञ्‍चालकले २/३ दिनमा भुक्तानी दिउँला भनेकोमा उक्त रकम मलाई नदिई ठगी गरी IME बन्द गरी भागी फरार रहेकोले उक्त IME मार्केटिङका सञ्‍चालकलाई पक्राउ गरी कानूनी कारबाही गरी मेरो ठगी भएको रकम असुलउपर गरिपाउँ भन्‍ने दले दमाईको मिति २०६९।११।११ को निवेदन ।

सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमार्फत मैले भुक्तानी पाउने गरी मेरो भाइ अम्मर शाहीले कोरियाबाट आफ्नो साथी कुशल गुरूङलाई काठमाडौंमा नगद रू.३,००,०००।- (तीन लाख रूपैयाँ) आई.एम.ई. गरी पठाई काठमाडौंबाट तपाइँले भुक्तान पाउने गरी साथीले रकम पठाइदिन्छन् भनेको र गएर भुक्तानी लिनुहोला भनी आई.एम.ई. गरेको कोड नं.१३५२६८०३३५ फोनबाट टिपाएको र म तत्काल उक्त त्रिमूर्ति मार्केटिङमा गई पैसा पठाएको कोड नं.देखाई भुक्तानी माग्दा त्रिमूर्ति मार्केटिङ सञ्चालक डिल्लीप्रसाद सापकोटाको श्रीमती तुलसीदेवी कँडेलले तपाइँको पैसा आएको छ तर आज पैसा छैन भोलि आउनुहोला भनी मलाई फिर्ता पठाएको र अर्को दिन जाँदा पनि आलटाल गरिरहेकोमा हाल उक्त रकम भुक्तानी नदिई मार्केटिङ बन्द गरी ठगी गरी हाल उक्त मार्केटिङका सञ्चालक तुलसीदेवी कँडेल र डिल्लीप्रसाद सापकोटासमेत भागी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको गगल शाहीको मिति २०६९।११।१५ को जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङ सञ्चालन गरी बस्ने डिल्लीप्रसाद सापकोटाले मबाट घर खर्चको लागि नगद रू.८०,०००।- (असी हजार रूपैयाँ) र चेकबाट रू.२०,०००।- (बिस हजार रूपैयाँ) मिति २०६४।८।४ गतेसम्मका लागि मिति २०६३।८।४ गते कपाली तमसुक गरी लिएकोमा निजले हालसम्म पनि उक्त रकम नदिई ठगी गरी त्रिमूर्ति मार्केटिङ बन्द गरी फरार रहेकोले मेरो उक्त रकम ठगी गरेको हुँदा निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको जिल्ला सुर्खेत विरेन्द्रनगर नगरपालिका १० बस्ने धनबहादुर कार्कीको कपाली तमसुकको प्रतिलिपिसहित मिति २०६९।११।१५ गते यस कार्यालयमा पेस गरेका निवेदन र पछि पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा त्रिमूर्ति मार्केटिङमार्फत म सुसिला चलाउनेले भुक्तानी पाउने गरी विदेश साउदी अरबदेखि मेरो श्रीमान् हिमबहादुर खत्रीले पठाएको रू.१,३१,४००।- (एक लाख एकतिस हजार चार सय रूपैयाँ) मिति २०६९।३।२९ गते आई.एम.ई. गरी पठाएको नगद रकम भुक्तानी लिन भनी उक्त त्रिमूर्ति मार्केटिङमा जाँदा मार्केटिङका सञ्चालक तुलसीदेवी कँडेलसमेतले पैसा छैन भनेको, कहिले बैंकको खाली चेक दिने र कहिले फोन गरी बोलाउँला भनी भुक्तानी नदिई आलटाल गरिरहेकोमा मलाई उक्त रकम नदिई ठगी गरी हाल उक्त मार्केटिङका सञ्‍चालक तुल्सीदेवी कँडेलसमेत उक्त मार्केटिङ बन्द गरी रकम ठगी गरी भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको  चलाउनेको मिति २०६९।११।१७ गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको तल्लो तलामा तुलसीदेवी कँडेल, हुमलाल कँडेल र डिल्लीप्रसाद सापकोटासमेतले सञ्चालन गरेको त्रिमूर्ति मार्केटिङमा पहिले मिति २०६६।११।१३ गतेबाट नगद रकम जम्मा गर्दै आएकोमा मेरो खातामा जम्मा रू.३२,१८०।- (बत्तीस हजार एक सय अस्सी रूपैयाँ) रकम जम्मा भएको उक्त रकम म भुक्तानी लिन जाँदा त्रिमूर्ति मार्केटिङका सञ्‍चालकहरू तुलसीदेवी कँडेलसमेत फरार भई ठगी गरेकोले निज तुलसीदेवी कँडेल सापकोटा, डिल्ली सापकोटा र हुमलाल कँडेलसमेतलाई आवश्यक कारबाही गरी ठगी भएको मेरो रकम असुलउपर गरिपाउँ भन्‍ने हिरा खड्केनीको मिति २०६९।११।१७ गतेको जाहेरी दरखास्त ।

म मिति २०६९।५।११ गते जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा सञ्‍चालक तुलसीदेवी कँडेल (सापकोटा), डिल्लीप्रसाद सापकोटा र हुमलाल कँडेलसमेतले सञ्चालन गरेको त्रिमूर्ति मार्केटिङमा गएको समयमा उक्त मार्केटिङका निज सञ्‍चालकहरूले तपाइँसँग भएको नगद पैसा हामीलाई २ महिनासम्म व्यापार गर्नको लागि दिनुहोस् हामी २४ प्रतिशत ब्याज दिन्छौं भनेकोले म निजहरूको भर विश्वासमा परी निजहरूलाई मसँग भएको नगद रू.२,७५,०००।- (दुई लाख पचहत्तर हजार रूपैयाँ) मिति २०६९।५।११ गते र नगद रू.२५,०००।- (पच्चिस हजार रूपैयाँ) ऐ.१४ गते निजहरूलाई भरपाई गरी दिएकोमा मलाई पैसा आवश्यक परेकोले निजहरूले सञ्चालन गरेको मार्केटिङमा मिति २०६९।६।२१ गते गई मैले जम्मा गरेको साँवा र ब्याजसहितको पैसा भुक्तानी दिनुपर्‍यो भनी भन्दा रू.३०,०००।- (तीस हजार रूपैयाँ) फिर्ता दिएको र बाँकी रू.२,५०,०००।- (दुई लाख पचास हजार रूपैयाँ) पछि दिउँला भनेकोमा उक्त रकम म पटकपटक माग्न जाँदा भोलि दिउँला भनी सधैँ आलटाल गर्ने गरेको र मिति २०६९।११।१ गते रकम माग्न जाँदा निज अन्यायीहरूले मिति २०६९।११।१० गते आउनु तपाइँको सम्पूर्ण रकम फिर्ता दिउँला भनी मौखिक रूपमा भनेका थिए निजहरूले भनेको मौखिक भाकाअनुसार म मिति २०६९।११।१० गते जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा निजहरूले सञ्चालन गरेको त्रिमूर्ति मार्केटिङमा उक्त रकम लिन भनी जाँदा उक्त त्रिमूर्ति मार्केटिङ बन्द गरी भागी फरार रहेको थाहा पाई निजहरूले मलाई ठगी गरी भागी फरार भएकोले यो जाहेरी दरखास्त लिई आएको छु । अतः निज उल्लिखित प्रतिवादीहरूले म जाहेरवालालाई ललाई फकाई झुक्याई मलाई नोक्सान र अन्यायीलाई फाइदा हुने गरी मलाई ठगी गरी मेरो नगद दिएको रकम ठगी गरी नदिई फरार रहेकोले निजहरूलाई पक्राउ गरी निजहरूलाई मैले मिति २०६९।५।११ गते र मिति २०६९।५।१४ गते पैसा दिएको भौचर थान २ को प्रमाण लगाई पाउँ र तत्काल वारदात सम्बन्धमा थाहा जानकारी पाउने साक्षीहरू भरत संगम भट्टराई, दिनेश वि.सी. र शिवराज रोकायासमेतलाई बुझी प्रमाण लगाई कानूनबमोजिम कारबाही गरी मेरो ठगी गरेको रकम असुलउपर गरिपाउँ भन्‍ने बेहोराको खाता नं.१३९ (ना.नं.१२४२) र त्रिमूर्ति मनि ट्रान्सफरमा पैसा पठाएको भौचरको प्रतिलिपिसहित मिति २०६९।११।२० गतेको खगेन्द्रसिंह ठकुरीको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङका सञ्चालक डिल्लीप्रसाद सापकोटाले सापटी स्वरूप खाता नं.१४१ मा जम्मा हुने गरी मिति २०६९।५।१३ गते नगद रू.६५,०००।- (पैंसठ्ठी हजार रूपैयाँ) मेरो श्रीमान् गंगाराम सुनारबाट लिएकोमा म पटकपटक माग्न जाँदा उक्त रकम नदिएको र हाल त्रिमूर्ति मार्केटिङ नै बन्द गरी निज डिल्लीप्रसाद सापकोटा फरार रहेकोले निजले ठगी गरेको हुँदा निजलाई पक्राउ गरी कारबाही गरी ठगी भएको रकम असुलउपर गरिपाउँ भनी रकम जम्मा भएको खाता नं.१४१ (ना.नं.७४२) को प्रतिलिपिसहित संलग्न राखी गंगाराम सुनारको श्रीमती नन्दा सुनारले मिति २०६९।११।२३ गते पेस गरेको निवेदन ।

सुर्खेत उद्योग वाणिज्य सङ्घको भवनको तल्लो तलामा रहेको त्रिमूर्ति मार्केटिङ रेमिट्यान्स कारोबार गर्ने गरी जिल्ला सुर्खेत विरेन्द्रनगर नगरपालिका वडा नं.३ बस्ने श्यामप्रकाश सापकोटाको नाममा मिति २०६२।७।३ गते दर्ता भएको थियो । पछि मिति २०६९।९।२६ गतेको निर्णयबाट उक्त फर्म श्यामप्रकाश सापकोटाको नामबाट नामसारी भई म हुमलाल कँडेलको नाममा दर्ता भएको हो । उक्त फर्म मेरो नाममा दर्ता भए पनि उक्त फर्मबाट हुने सम्पूर्ण कारोबार मेरो छोरी तुलसीदेवी कँडेलको श्रीमान् डिल्लीप्रसाद सापकोटाले नै गर्दथे । उक्त फर्म के-कसरी कुन-कुन कारोबार सञ्चालन गरेका थिए ? कति कर्मचारी नियुक्ति गरी कार्यालय सञ्चालन गरेका 

थिए । सो मलाई केही थाहा छैन । तत्काल फर्म मेरो नाममा नामसारी गराउँदा डिल्लीप्रसाद सापकोटाले मेरो नाममा जिल्ला कैलाली टिकापुरमा पेट्रोल पम्प छ । उक्त फर्म मेरो नाममा दर्ता भएकोले यो फर्म मेरो नाममा दर्ता गर्न मिल्दैन । तपाइँले केही पनि गर्नुपर्दैन भनेकाले म निजकै भर विश्वासमा परी मैले सो कुरामा मन्जुरी जनाई उक्त फर्म मेरो नाममा नामसारी गराउन मन्जुर भएको 

हुँ । निजले भनेबमोजिम मैले दस्तखत मात्र गरेको हुँ । मेरो नाममा भएको १ कठ्ठा १० धुर जग्गाको लालपुर्जा पनि निजलाई नै दिई निजले उक्त लालपुर्जा बैंकमा राखी पैसा निकालेका थिए । कहाँ लगानी लगाए थाहा 

भएन । उक्त मार्केटिङमा म कहिले पनि गएन । मेरो नाममा भएको मार्केटिङको लेखा परीक्षण कहिले हुन्थ्यो वा हुँदैनथ्यो ? फर्मको कर कहिले कहाँ बुझाउँथे ? सो मलाई केही थाहा छैन । उल्लिखित सम्पूर्ण कारोबार ज्वाइँ डिल्लीप्रसाद सापकोटाले र निजको श्रीमती मेरो छोरी तुलसीदेवी कँडेलले नै गर्ने भएकोले निजहरूलाई नै थाहा छ । सबै कारोबार निजले नै गरेकोले को कसको कति रकम निजले ठगी गरेका हुन् ? उक्त मार्केटिङबाट आय भएको पुँजी कहाँ लगानी गरेका छन् ? सो मलाई थाहा छैन । जाहेरवालाहरूको ठगी भएको भनिएको रकम निज जुवाई डिल्लीप्रसाद सापकोटाले नै तिर्नुपर्छ भन्‍नेसमेत बेहोराको प्रतिवादी हुमलाल कँडेलले मिति २०६९।११।२४ गते अनुसन्धानको क्रममा गरेको बयान कागज ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घ सुर्खेतको तल्लो तलामा रहेको त्रिमूर्ति मार्केटिङ आई.एम.इ.मा मेरो श्रीमान् रोजगारीको सिलसिलामा कतारमा गएको बेला साथमा लिएको नेपाली रू.२०,०००।- (बिस हजार रूपैयाँ) खर्च नभएकोले कोठामा राखेका रहेछन् निज श्रीमान्‌ले काम गर्ने कम्पनीमा आगलागी हुँदा कोठामा रहेको उक्त नेपाली रू.२०,०००।- (बिस हजार रूपैयाँ) नगदसमेत आधा भाग आगोले जलेकोले मेरो श्रीमान्‌ले उक्त रकमसमेत साट्नको लागि दिएको र खातामा जम्मा हुने गरी त्रिमूर्ति मार्केटिङकी सञ्चालकमध्येका तुलसीदेवी कँडेल सापकोटाको नाममा रू.१,२०,०००।- (एक लाख बिस हजार रूपैयाँ) आई.एम.ई. गरी पठाएका थिए, उल्लिखित रकम र श्रीमान्‌ले जम्मा गरेको झिक्न बाँकी रकम रू.७२,७७०।- (बहत्तर हजार सात सय सत्तरी रूपैयाँ) र आगोले डढेको साट्न भनी दिएको नगद रकम रू.२०,०००।- समेत गरी जम्मा रू.२,१२,७७०।- (दुई लाख बाह्र हजार सात सय सत्तरी रूपैयाँ) भुक्तानी लिन भनी म मिति २०६९।११।१८ गते उक्त मार्केटिङको कार्यालयमा जाँदा उक्त मार्केटिङको कार्यालय बन्द गरी सञ्चालकहरू डिल्लीप्रसाद सापकोटा र तुलसीदेवी कँडेल (सापकोटा) भागी फरार रहेकोले ठगी भएको मेरो उक्त रकम निज प्रतिवादीहरू हुमलाल कँडेल, डिल्लीप्रसाद सापकोटा र तुलसीदेवी कँडेल (सापकोटा) बाट असुलउपर गरिपाउँ भनी त्रिमूर्ति मार्केटिङमा मिति २०६९।३।१० गते पैसा बुझाउँदा लिएको भौचर र आई.एम.ई. गरी पैसा पठाएको रसिदको फोटोकपीसमेत संलग्न राखी पेस गरेको भन्‍ने खगिसरा सारूको मिति २०६९।११।२४ गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट मैले भुक्तानी पाउने गरी मेरो छोरा डिलबहादुर खड्काले मिति २०६९।६।२८ गते विदेशबाट आई.एम.ई.गरी पठाएको नगद रकम भुक्तानी लिन जाँदा १२ प्रतिशत ब्याज दिउला रकम जम्मा गर्नुहोस् भनी झुठ्ठा आश्वासन दिई सोही मार्केटिङमा नै मेरो खाता नं.१५१ मा नगद रू.३,००,०००।- (तीन लाख रूपैयाँ) जम्मा भएको मिति २०६९।८।२८ गतेसम्मको ब्याज रू.६,०००।- (छ हजार रूपैयाँ) गरी जम्मा रू.३,०६,०००।- (तीन लाख छ हजार रूपैयाँ) जम्मा भएकोमा उक्त रकम र हालसम्मको ब्याजसमेत मलाई भुक्तानी नदिई हाल उक्त मार्केटिङका सञ्चालक डिल्लीप्रसाद सापकोटा र तुलसी सापकोटाले बन्द गरी रकम ठगी भागी फरार रहेकोले निजहरूलाई पक्राउ गरी कारबाही गरी ठगी भएको रकम असुलउपर गरिपाउँ भनी रकम जम्मा भएको खाता नं.१५४ को प्रतिलिपिसहित संलग्न राखी तुलबीर खड्काले मिति २०६९।११।२८ गते पेस गरेको निवेदन ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट मैले भुक्तानी पाउने गरी मेरो भाइ युवराज के.सी.ले मिति २०६९।९।२२ गते विदेशबाट आई.एम.ई. गरी पठाएको नगद रू.२,००,६३०।- (दुई लाख छ सय तिस रूपैयाँ) सोही त्रिमूर्ति मार्केटिङमा जम्मा भएको र उक्त रकम भुक्तानी माग्न जाँदा सञ्चालकहरू तुलसीदेवी कँडेल (सापकोटा) र डिल्लीप्रसाद सापकोटाले आजभोलि भन्दाभन्दै नदिएकोमा हाल उक्त मार्केटिङ नै बन्द गरी रकम ठगी भागी फरार रहेकोले निजहरूलाई पक्राउ गरी कारबाही गरी ठगी भएको रकम असुलउपर गरिपाउँ भनी रकम जम्मा भएको खाता नं.५० (ना.प्र.नं.३१८७३/८११) को प्रतिलिपिसहित संलग्न राखी हरिबहादुर के.सी.ले जिल्ला प्रशासन कार्यालय सुर्खेतमा पेस गरेको निवेदन, उक्त कार्यालयको च.नं.३१०४ मिति २०६९।११।२१ गतेको पत्रसाथ यस कार्यालयमा प्राप्त निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।११।२९ गते उल्लेख भएको जाहेरी दरखास्त ।

सुर्खेत उद्योग वाणिज्य सङ्घ सुर्खेतको भवनको तल्लो तलामा रहेको त्रिमूर्ति मार्केटिङमार्फत मैले भुक्तानी पाउने गरी दुबईबाट पठाएको पैसा भुक्तानी लिन भनी उक्त मार्केटिङमा जाँदा उक्त मार्केटिङका सञ्चालक हुमलाल कँडेल, डिल्लीप्रसाद सापकोटा र तुलसीदेवी कँडेलसमेतले तपाइँको रकम यहीँ जम्मा गर्नुहोस् तपाइँलाई उच्च ब्याज दिउँला भनी मलाई लोभ्याई रकम जम्मा गर्न लगाएको र मिति २०६८।७।१ गतेदेखि रकम जम्मा गरेकोमा मेरो जम्मा रू.५,३६,१२४, (पाँच लाख छत्तिस हजार एक सय चौबिस रूपैयाँ) भएकोमा उक्त रकम भुक्तानी लिन पटकपटक जाँदा भुक्तानी नदिई मिति २०६९।११।९ गते आउनु भनेकाले उल्लिखित मितिमा जाँदा निजहरूले उक्त मार्केटिङ बन्द गरी मेरो रकम ठगी गरी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको मेरो रकम असुलउपर गरिपाउँ र मिति २०६८।७।१ गते रकम बुझाउँदा दिएको भौचरसमेत यसैसाथ संलग्न राखेको छु । सोसमेत प्रमाण लगाई कानूनबमोजिम गरिपाउँ भन्‍ने बेहोराको होमबहादुर कार्कीको श्रीमती बालकुमारी कार्कीको मिति २०६९।११।१० गतेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।११।३० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको तल्लो तलामा रहेको त्रिमूर्ति मार्केटिङमा आई.एम.ई. सञ्चालन गरी बस्ने डिल्लीप्रसाद सापकोटाबाट मैले मिति २०६९।११।१५ गते नगद रू.११,००,०००।- (एघार लाख रूपैयाँ) किस्तामा त्रिमूर्ति मार्केटिङबाट बैंक किस्ता भुक्तानी गर्ने गरी ना.३ ख. २०८३ नं.को ट्रक खरिद गरेको थिएँ । मैले उक्त ट्रक खरिद गरेदेखि नै त्रिमूर्ति मार्केटिङमा पटकपटक गरी जम्मा रू.१०,७९,०००।- (दश लाख उनासी हजार रूपैयाँ) जम्मा गरिसकेको र निजले हालसम्म पनि उक्त गाडी मेरो नाममा नामसारी नगरी दिएको र उक्त गाडीको किस्ताबापत त्रिमूर्ति मार्केटिङमा पटकपटक बुझाएको रकमसमेत बैंकलाई नबुझाई आफैँ खर्च गरी हाल गाडीको बुझाउनुपर्ने किस्ताबापतको रकम असुल गरिसकेपछि त्रिमूर्ति मार्केटिङसमेत बन्द गरी मेरो बैंक किस्ताबापतको रकम नबुझाई मबाट उक्त रकम असुलसमेत गरी गाडी नामसारीसमेत नगरी मलाई ठगी गरी डिल्लीप्रसाद सापकोटासमेत फरार रहेकोले निजलाई कानूनबमोजिम कारबाही गरी मेरो ठगी भएको रकम असुलउपर गरिपाउँ भन्‍ने बेहोराको त्रिमूर्ति मार्केटिङमा गाडीको किस्ता बुझाउनको लागि रकम जम्मा गर्दा लिएको ६ थान भौचरको पाना ३ को प्रतिलिपिसमेत यस कार्यालयमा निवेदनसाथ पेस गरेको छु । प्रमाण लगाई पाउँ भनी दिपकबहादुर सिंहले मिति २०६९।११।२४ गते पेस गरेका 

निवेदन । सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।११।३० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमार्फत मैले भुक्तानी पाउने गरी मेरो नाममा विदेशबाट विभिन्‍न मितिमा पटकपटक पठाएको रकम जम्मा रू.३,०६,५३८।- (तीन लाख छ हजार पाँच सय अठ्तीस रूपैयाँ) भुक्तानी लिन भनी मिति २०६९।५।१७ गते र मिति २०६९।९।१७ गते गई रकम दिनुपर्‍यो भन्दा सो कार्यालयका सञ्चालकले भोलि दिउँला भनी नदिई ७/८ दिन झुलाई राखेको र निजले मलाई उक्त रकम नदिई आफैँ पैसा चलाई रहेको अवस्थामा तपाइँलाई अधिकतम ब्याज दिन्छु भनेको उक्त रकम आफैँले राखेको र मिति २०६९।१।१ गते सबै रकम दिनुपर्‍यो भन्दा १/२ दिन झुलाई रू.३०,०००।- (तिस हजार रूपैयाँ) मात्र दिई बाँकी रकम रू.२,७६,५३८।- (दुई लाख छयत्तर हजार पाँच सय अठ्तिस रूपैयाँ) निजले नै मेरो खातामा राखी दिएको छु भनी निजले नै उक्त रकम चलाई नदिएकोमा हाल मेरो रकम ठगी गरी त्रिमूर्ति मार्केटिङसमेत बन्द गरी फरार रहेकोले उक्त त्रिमूर्ति मार्केटिङका सञ्‍चालकहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको जीवन रोकायाको रकम जम्मा गरेको खाता नं.१३४ ना.नं.७८४५५ को प्रतिलिपिसमेत संलग्न राखी यस कार्यालयमा मिति २०६९।११।१४ गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।११।३० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घ सुर्खेतको भवनको तल्लो तलामा रहेको त्रिमूर्ति मार्केटिङका सञ्चालक डिल्लीप्रसाद सापकोटा, तुलसीदेवी कँडेल सापकोटा र हुमलाल कँडेलसमेतले हामीले सञ्चालन गरेको त्रिमूर्ति मार्केटिङमा तपाइँसँग भएको नगद रकम जम्मा गर्नुहोस् तपाइँलाई १२ प्रतिशत ब्याज दिउँला भनेको र मैले पनि निजहरूकै विश्वासमा परी मिति २०६९।६।२१ गते रू.४,००,०००।- (चार लाख रूपैयाँ) बचत गरी खाता खोलेको थिएँ । उक्त रकममध्ये मैले पटकपटक झिकी भुक्तानी लिन बाँकी रू.१,४०,०००।- (एक लाख चालिस हजार रूपैयाँ) थियो सो रकम हाल मलाई भुक्तानी नदिई उक्त मार्केटिङका सञ्चालक डिल्लीप्रसाद सापकोटा, तुलसीदेवी कँडेल सापकोटा र हुमलाल कँडेलसमेतले ठगी गरेको हुँदा यो जाहेरी दरखास्त लिई उपस्थित भएको छु, मैले मिति २०६९।६।२१ गते रकम जम्मा गर्दा प्राप्त गरेको भौचरसमेतको प्रमाण लगाई अन्यायीलाई कारबाही गरी ठगी गरेको रकम असुलउपर गरिपाउँ भन्‍ने बेहोराको जिल्ला सुर्खेत खानीखोला गाउँ विकास समिति वडा नं.९ घर भई हाल जिल्ला बाँके चिसापानी गाउँ विकास समिति वडा नं.५ बस्ने अर्जुनकुमार वि.क. झिल्केको मिति २०६९।११।३० गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घ सुर्खेतको तल्लो तलामा रहेको त्रिमूर्ति मार्केटिङमा मेरो भाइ नविन शर्मा र कृष्णप्रसाद शर्माले मलेसियाबाट पठाएको पैसा झिक्न जाँदा उक्त मार्केटिङका सञ्चालक तुलसीदेवी कँडेल, डिल्लीप्रसाद सापकोटा र हुमलाल कँडेलसमेतले तपाइँको भाइले पठाएको पैसा यहाँ खाता खोलेर राख्नुभयो भने चेक काट्नु पर्दैन फोनबाट समेत रकम तपाइँ र तपाइँका आफन्तलाई भुक्तानी दिन्छौं भनी मलाई लोभलालच देखाई मेरो नाममा खातासमेत निजहरूले खोलिदिएको र मैले पनि ब्याजसमेत पाउने भएपछि ठिकै छ भनी खाता खोलेकोमा मैले मिति २०६८।७।२७ गते रू.२,००,०००।- (दुई लाख रूपैयाँ) बचत गरेको र बिचमा पटकपटक रकम झिक्दै जम्मा गर्दै गरेकोमा मिति २०६९।१०।१४ गते हरिहरपुर ३ घर भई उत्तरगंगा निवासी लक्ष्मीप्रसाद गौतम घडेरी पास गर्न पैसा चाहिएकोले मेरो कुल जम्मा भएको नगद रकम रू.६,४५,६६४।- (छ लाख पैंतालिस हजार छ सय चौसठ्ठी रूपैयाँ) भुक्तानी माग्न जाँदा पैसा हाल छैन भनी भुक्तानी नदिएकोमा मलाई जग्गा बेच्ने लक्ष्मीप्रसाद गौतमसँग सल्लाह गरी उल्लिखित मेरो खातामा रहेको रकमबाट लक्ष्मीप्रसाद गौतमलाई १० दिनभित्र नगद रू.४,००,०००।- (चार लाख रूपैयाँ) भुक्तानी दिन्छु भनी लक्ष्मीप्रसाद गौतमको नाममा समेत सोही रकम मेरो खाताबाट जम्मा भएको खाता खोली मेरो खाताबाट नगद घटाउँदा जम्मा रू.२,२४,६६४।- (दुई लाख चौबिस हजार छ सय चौसठ्ठी रूपैयाँ) जम्मा भएकोमा हाल उक्त रकम म र निज लक्ष्मीप्रसाद गौतमलाई समेत रकम भुक्तानी नदिई ठगी गरेकोले कानूनबमोजिम कारबाही गरी मेरो ठगी गरेको रकम दिलाइपाउँ भन्‍ने मिति २०६९।११।३० गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा डिल्लीप्रसाद सापकोटा र निजको श्रीमती तुलसीदेवी कँडेल सापकोटाले सञ्चालन गरेको त्रिमूर्ति मार्केटिङमा म जाहेरवालाले मेरो छोरा ज्योतिचन्द्र बस्नेतले विदेश दुबईबाट मैले भुक्तानी पाउने गरी पठाएको रकम र मेरो आम्दानीसमेतबाट मिति २०६५।१२।२६ गतेदेखि मिति २०६९।११।२ गतेसम्म म डम्बरबहादुर बस्नेतको खाता नं.१४ र ३०८, ना.नं.१३३३ मा रू.६,२७,३१५।- (छ लाख सत्ताइस हजार तीन सय पन्ध्र रूपैयाँ) नगद रकम बचत भएको र म जाहेरवाला पबित्रा बस्नेतले मिति २०६७।६।२७ गतेदेखि मिति २०६९।८।२८ गतेसम्म मेरो खाता नं.११३ ना.नं.२०१०/३८५ मा नगद रू.३५,२१३।- (पैंतिस हजार दुई सय तेह्र रूपैयाँ) गरी हाम्रो जम्मा रू.६,६२,५२८।- (छ लाख बैसठ्ठी हजार पाँच सय अठ्ठाइस रूपैयाँ) जम्मा भएकोमा हाल उक्त रकम भुक्तानी लिन जाँदा उक्त मार्केटिङ बन्द गरी ठगी गरी हाल उक्त मार्केटिङका सञ्चालक तुलसीदेवी कँडेल र डिल्लीप्रसाद सापकोटासमेत भागी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको हामीहरूको रकम असुलउपर गरिपाउँ भन्‍ने बेहोराको नगद रकम जम्मा गरेको खाता नं.१४ र ३०८ ना.नं.१३३३ को प्रतिलिपि पाना ४ र खाता नं.११३ ना.नं.२०१०/३८५ को प्रतिलिपि पाना १, रकम जम्मा गरेको भौचर थान ४७ समेत संलग्न राखी जिल्ला प्रशासन कार्यालय सुर्खेतमार्फत मिति २०६९।१।१४ गते डम्मरबहादुर बस्नेत र निजको श्रीमती पबित्रा बस्नेतले पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।१२।१ गते निजहरू दुवैजनाले पेस गरेको जाहेरी दरखास्त ।

मैले पोखरा स्थित मुक्तिनाथ विकास बैंकबाट मेरो नामबाट जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट भुक्तानी पाउने गरी रू.५०,०००।- (पचास हजार रूपैयाँ) आइ.एम.ई. गरी पठाएकोमा मिति २०६९।१०।४ गते म सुर्खेतमा आई मैले रकम पठाएको पासवर्ड, नागरिकताको फोटोकपीसमेत पेस गरेकोमा आज पैसा छैन भोलि आउनुहोला तपाइँको श्रीमतीलाई पठाइदिँदा पनि हुन्छ भनेकोले उक्त रकम मैले नलिई गएको र अर्को दिन श्रीमती पबि थापालाई उक्त रकम लिन पठाउँदा सञ्चालक तुलसीदेवी कँडेलले तपाइँको रकम कहीँ जाँदैन केही दिन बाटो हेर्नुहोस् भनी लामो समयसम्म रकम नदिएकोमा मिति २०६९।११।१३ गते सो रकम भुक्तानी लिन म उक्त स्थानमा जाँदा त्रिमूर्ति मार्केटिङ बन्द गरी सञ्चालक तुलसीदेवी कँडेलसमेत फरार रहेकोले निजहरूलाई पक्राउ गरी कानूनबमोजिम कारबाही गरी ठगी गरेको मेरो नगद रकम असुलउपर गरिपाउँ भन्‍ने बेहोराको मिति २०६९।११।१५ गतेको टेकबहादुर थापाले पेस गरेको निवेदन, सोही बेहोराको प्रतिवादी तुलसीदेवी कँडेल (सापकोटा) विरूद्ध मिति २०६९।१२।१ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमा मेरो आमा मानकुमारी थरूनीले मिति २०६९।१।१४ गतेदेखि २०६९।१०।२९ गतेसम्म खाता नं.५५ (ना.नं.१७३०) मा नगद रू.३,००,०००।- (तीन लाख रूपैयाँ) जम्मा गरेकोमा उक्त रकम भुक्तानी लिन जाँदा हाल उक्त मार्केटिङका सञ्चालकले रकम नदिई उक्त मार्केटिङ बन्द गरी रकम ठगी गरी भागी फरार रहेको पाइएकाले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको खाता नं.५५ (ना.नं.१७३०) को प्रतिलिपिसहित रेनु चौधरीले मिति २०६९।११।१७ गते पेस गरेको निवेदन, मोही बेहोरालाई समर्थित गर्दै मानकुमारी थरूनीले नगद रकम जम्मा गरेको खाता नं.५५ (ना.नं.१७३०) को प्रतिलिपिसमेत प्रमाण लगाई कारबाही गरिपाउँ भनी मिति २०६९।१२।४ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमार्फत मैले भुक्तानी पाउने गरी मेरी साली डम्मरकुमारी खत्रीले विदेश कुवेतबाट मिति २०६९।९।२७ गते आफ्नो कम्पनी मालिकमार्फत ०९७२३९७६५२ बाट रू.६६,८३१।- (छैसठ्ठी हजार आठ सय एकतिस रूपैयाँ) पठाएकोमा उक्त रकम भुक्तानी लिनका लागि म मिति २०६९।१०।८ गते उक्त मार्केटिङमा गई भुक्तानी माग्दा जम्मा रू.८३१ (आठ सय एकतिस रूपैयाँ) नगद रकम दिई अरू बाँकी रकम एक हप्तापछि लिन आउनुहोला भनेर फिर्ता पठाए पुनः एक हप्तापछि म उक्त रकम लिन जाँदा बाँकी भुक्तानी पाउने रकम रू.६६,०००।- (छैसठ्ठी हजार रूपैयाँ) काँक्रेबिहार विकास बैंक शाखा कार्यालय मेहलकुना सुर्खेतबाट पाउनुहुन्छ भनी त्रिमूर्ति मार्केटिङको भौचरमा रकम पाउने ठेगाना मेहलकुना सुर्खेत लेखेर दिए सो भौचर लिएर रकम भुक्तानी लिन काँक्रेबिहार विकास बैंक शाखा कार्यालय मेहलकुना सुर्खेतमा जाँदा रकम भुक्तानी पाएन र पुन: त्रिमूर्ति मार्केटिङमा नै भुक्तानी लिन जाँदा बन्द गरी सञ्चालकहरू फरार भई मेरो उल्लिखित रकम ठगी गरेकोले निजहरूलाई पक्राउ गरी कानूनबमोजिम कारबाही गरी ठगी गरेको मेरो उक्त रकम असुलउपर गरिपाउँ भन्‍ने बेहोराको जिल्ला सुर्खेत सहारे-७ बस्ने चित्रबहादुर खड्का क्षेत्रीको मिति २०६९।१२।४ गतेको जाहेरी दरखास्त ।

त्रिमूर्ति मार्केटिङमा मेरो साउदी अरबबाट आएको रू.१,३१,४००।- (एक लाख एकतिस हजार चार सय रूपैयाँ) को उक्त त्रिमूर्ति मार्केटिङले बैंक अफ काठमाडौंको चेक मलाई दिएकोमा बैंकमा जाँदा पैसा नभएपछि मैले उक्त चेक त्रिमूर्ति मार्केटिङका सञ्‍चालकमध्येका डिल्लिप्रसाद सापकोटालाई दिएँ । निजले पछि पैसा लिन आउनुहोला भनेपछि जाँदा अर्की सञ्चालक तुलसीदेवी कँडेलले रू.८०,०००।- (असी हजार रूपैयाँ) को भौचर लैजानुस् भनी दिएकी र बाँकी पैसा म ल्याएर दिन्छु भनी डिल्लीप्रसाद सापकोटा पैसा लिन गएकोमा तत्पश्चात् फरार भएको हुँदा मैले निवेदन र जाहेरी दिँदा रू.८०,०००।-(असी हजार रूपैयाँ) को भौचरको प्रतिलिपि संलग्न राखेको भए तापनि मेरो ठगिएको रकम रू.१,३१,४००।- (एक लाख एकतिस हजार चार सय रूपैयाँ) नै हो भनी जाहेरवालीमध्येकी सुसिला चलाउनेले मिति २०६९।१२।५ मा थप खुलाई दिएको कागज ।

मिति २०६९।२।२७ गतेको दिन जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा डिल्लीप्रसाद सापकोटा र तुलसीदेवी कँडेलसमेतले सञ्चालन गरेको त्रिमूर्ति मार्केटिङबाट मैले भुक्तान पाउने गरी मेरो श्रीमान्‌ले साउदी अरबबाट पठाएको नगद रू.२,५०,०००।- (दुई लाख पचास हजार रूपैयाँ) मलाई भुक्तानी नदिई ठगी गरी हाल उक्त मार्केटिङका सञ्चालक डिल्लीप्रसाद सापकोटा र तुलसीदेवी कँडेलसमेत उक्त मार्केटिङ बन्द गरी रकम ठगी गरी भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको दिपा सिंहको मिति २०६९।१२।५ गतेको निवेदन ।

मिति २०६९।१०।२४ गते तुलसी कँडेलसमेतले सञ्चालन गरेको त्रिमूर्ति मार्केटिङबाट मैले भुक्तानी पाउने गरी मेरो भान्जा सत्पाल बोहराले मेरो नाममा साउदी अरबबाट IME गरी पठाएको नगद रू.१,११,५२२।- (एक लाख एघार हजार पाँच सय बाइस रूपैयाँ) भुक्तानी लिन भनी उक्त मार्केटिङको कार्यालयमा जाँदा विदेशबाट पैसा पठाएको नम्बर ४५४१८७४९५ टिपी अहिले पैसा छैन । भुक्तानी पाउन सक्नुहुन्‍न । भोलि आउनु भनेकोले म फर्की गई अर्को दिन पुनः रकम भुक्तानी लिनको लागि उक्त मार्केटिङको कार्यालयमा गएकोमा कार्यालय बन्द रहेको देखी अन्य मानिसहरूसँग बुझ्दा उक्त IME का सञ्‍चालक तुल्सीदेवी कँडेलसमेत आई.एम.ई. बन्द गरी भागी फरार रहेको बुझिएकोले निजलाई कानूनबमोजिम कारबाही गरी मेरो ठगी भएको रकम असुलउपर गरिपाउँ भन्‍ने बेहोराको हरिकला खड्काको 

निवेदन । सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुँमलाल कँडेल विरूद्ध मिति २०६९।१२।५ गते पेस गरेको जाहेरी दरखास्त ।

उल्लिखित रकम त्रिमूर्ति मार्केटिङका सञ्‍चालकहरूले सोही स्थानमा नै जम्मा गर्नुहोस् वार्षिक १२ प्रतिशत ब्याज दिउँला भनी मलाई खाता खोल्न लगाएकोले मैले उक्त मार्केटिङमा नै खाता खोली जम्मा गरी राखेको र निजहरूले दिएको भौचरमा सही गर्ने ठाउँ सकिएपछि सञ्चालक डिल्लीप्रसाद सापकोटाले उक्त भौचर लिई अर्को दिउँला भनेकोमा हालसम्म उक्त भौचर नदिएको र रकमसमेत नदिई मार्केटिङ बन्द गरी ठगी गरी फरार रहेकोले निज प्रतिवादीहरू हुमलाल कँडेल, डिल्लीप्रसाद सापकोटा र तुलसीदेवी कँडेल (सापकोटा) समेतलाई पक्राउ गरी कारबाही गरी रकम असुलउपर गरिपाउँ भन्‍नेसमेत बेहोराको मिति २०६९।१२।५ गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङ सुर्खेतमा हामी जाहेरवालामध्येको म भक्तबहादुर सलामीले मिति २०६७।१०।८ गतेदेखि रकम जम्मा गर्ने गरेको र मेरो छोरा नरबहादुर सारूले विदेश दुबईबाट पठाएको रकमसमेत सोही त्रिमूर्ति मार्केटिङमा जम्मा गरेकोसमेत गरी हाल मेरो खातामा रू.२,१४,०००।- (दुई लाख चौध हजार रूपैयाँ) जम्मा रहेको, जाहेरवालामध्येको म गंगबहादुर सारूले त्रिमूर्ति मार्केटिङमा मिति २०६६।२।७ गतेदेखि खाता खोली जम्मा गरेको रकम हालसम्म मेरो खातामा रू.१,५१,५४२।- (एक लाख एकाउन्‍न हजार पाँच सय बयालिस रूपैयाँ) जम्मा रहेको, जाहेरवालामध्ये म चन्द्रबहादुर सारूले उक्त त्रिमूर्ति मार्केटिङमा मिति २०६७ देखि खाता खोली जम्मा गरेको रू.३,६५,०२३।- (तीन लाख पैंसठ्ठी हजार तेइस रूपैयाँ) जम्मा रहेको, जाहेरवालामध्ये ७ रत्‍नबहादुर गाहाले त्रिमूर्ति मार्केटिङमा मिति २०६९।५।१ गते खाता खोली उक्त खातामा हातसम्म रू.२,४७,१०५।- (दुई लाख सत्चालिस हजार एक सय पाँच रूपैयाँ) नगद रकम छुट्टाछुट्टै खातामा जम्मा रहेकोमा माथि उल्लिखित हामीहरूको आ-आफ्नो रकम भुक्तानी लिन भनी मिति २०६९।११।३० गते उक्त त्रिमूर्ति मार्केटिङमा हामी जाहेरवाला जाँदा त्रिमूर्ति मार्केटिङका सञ्चालक हुमलाल कँडेल, डिल्लीप्रसाद सापकोटा र तुलसीदेवी कँडेलले त्रिमूर्ति मार्केटिङ बन्द गरी हामीहरूको उल्लिखित रकम ठगी गरेकोले उक्त त्रिमूर्ति मार्केटिङका सञ्चालकहरूलाई पक्राउ गरी कारबाही गरी कानूनबमोजिम ठगी भएको हामीहरूको रकम असुलउपर गरिपाउँ भनी हामीहरूको रकम जम्मा गर्दा प्राप्त गरेको खाताको प्रमाणको प्रतिलिपिसमेत यसैसाथ पेस गरेका छौं । प्रमाण लगाई कानूनबमोजिम गरिपाउँ भन्‍ने बेहोराको जिल्ला सुर्खेत साटाखानी गाउँ विकास समिति वडा नं.९ बस्ने गंगबहादुर सारू, ऐ. कल्याण गाउँ विकास समिति वडा नं.१ बस्ने रत्‍नबहादुर गाहा, ऐ.डाँडागाउँ गाउँ विकास समिति ७ बस्ने भक्तबहादुर सलामी र ऐ. कल्याण गाउँ विकास समिति वडा नं.४ बस्ने चन्द्रबहादुर सारूसमेत जना ४ को संयुक्त रूपमा मिति २०६९।१२।५ मा पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ हटिया लाइन स्थित उद्योग वाणिज्य सङ्घ सुर्खेतको भवन, सो घरको भुइँ तलाको पूर्व उत्तरतर्फको कोठामा त्रिमूर्ति / शिवशक्ति लेखेको, त्यसको माथि IME र PRABHU MONEY TRANSFER को बोर्डहरू भएको, सो कोठाको दक्षिणतर्फको ढोकाको कोठामा लगाइएको ताला फोडी सो कोठाभित्र प्रवेश गर्दा त्रिमूर्ति मार्केटिङ र शिवशक्ति ट्रेडर्स एन्ड सप्लायर्स नामक फर्म एकै ठाउँबाट सञ्चालन गरी ठगी गर्न प्रयोग गरिएका कम्प्युटर, रकम राख्‍ने लकर र खाता सञ्चालन गरेको लेजर, भौचरलगायत बैंकिङ कारोबार गर्न प्रयोग गरिएका कागजातहरू रहेकोमा प्रमाणमा लाग्ने चिज वस्तुहरू प्रहरीले छुट्टै बरामद गरी लगेको भन्‍ने मिति २०६९।१२।६ गतेको घटनास्थल मुचुल्का ।

जिल्ला सुर्खेत विरेन्द्रनगर नगरपालिका वडा नं.६ हटिया लाईन स्थित पूर्वमा नेपाली काँग्रेसको पार्टीको कार्यालय सुर्खेतको भवन, पश्‍चिम घरेलु शिल्पकला सुर्खेतको भवन, उत्तरमा हटिया लाइन जाने ठाडो बाटो, दक्षिणमा नगर विकास सुर्खेतको खाली जग्गा (रसाइली बाकस उद्योग) यति चार किल्लाभित्र रहेको उत्तर मोहडा भएको तीन तल्लाको बिचमा कोलीया भएको १० कोठाको सुर्खेत उद्योग वाणिज्य सङ्घ सुर्खेतको भवन, सो घरको भुइँ तलाको पूर्व उत्तरतर्फको कोठामा त्रिमूर्ति मार्केटिङ भएको, सो कोठाको दक्षिणतर्फको ढोकाको कोठामा लगाइएको ताला फोडी सो कोठाभित्र प्रवेश गर्दा प्रतिवादीहरूले त्रिमूर्ति मार्केटिङ नामक फर्म सञ्चालन गरी ठगी गर्न प्रयोग गरिएका कम्प्युटर, रकम राख्‍ने लकर र खाता सञ्चालन गरेको लेजर, भौचरलगायत बैंकिङ कारोबार गर्न प्रयोग गरिएका कागजातहरू प्रहरीले बरामद गरी लगेको ठिक साँचो हो भनी सही गरी दियो भन्‍ने बेहोराको मिति २०६९।१२।६ को खानतलासी बरामदी मुचुल्का ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट मैले भुक्तानी पाउने गरी मिति २०६७।११।१५ गते विदेश दुवईबाट मेरो नाममा पठाएको नगद रू.२,१४,००० (दुई लाख चौध हजार रूपैयाँ) भुक्तानी लिन भनी म उक्त स्थानमा जाँदा उक्त मार्केटिङका सञ्चालकले तपाइँको रकम जम्मा गर्नुहोस् । तपाइँलाई उच्च ब्याज प्रदान गर्छौं भनेकोले मैले सोही ठाउँमा जम्मा गरेकोमा हालसम्मको मेरो जम्मा भएको उक्त नगद रू.२,१४,०००।- (दुई लाख चौध हजार रूपैयाँ) रकम भुक्तानी नदिई आई.एम.ई.संस्था बन्द गरी सञ्चालकहरू मेरो रकम ठगी गरी फरार रहेकोले निजहरूलाई कानूनबमोजिम कारबाही गरी रकम असुलउपर गरिपाउँ भन्‍ने बेहोराको जिल्ला सुर्खेत कल्याण ४ बस्ने गोकर्ण सलामीको निवेदन र सोसाथ संलग्न भक्तबहादुर सलामीको खाताको प्रतिलिपि साथै राखी जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको भवनको तल्लो तलामा रहेको त्रिमूर्ति मार्केटिङअन्तर्गत सञ्चालित श्री शिवशक्ति ट्रेडर्स एन्ड सप्लायर्सको नाममा यस बैंकको सुर्खेत शाखामा खाता नं.०३१००१०५२०००९४ रहेको र उक्त खातामा हाल जम्मा मौज्दात रकम रू.५,१४१/४१ (पाँच हजार एक सय एकचालिस र एकचालिस पैसा) मात्र रहेको हाल त्यस कार्यालयको पत्र प्राप्तपश्चात् उक्त खाता रोक्‍का गरिएको भन्‍ने बेहोरा मिति २०६९।१२।८ को एभरेष्ट बैंक लिमिटेडको पत्र ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको भवनको तल्लो तलामा रहेको त्रिमूर्ति मार्केटिङ इन्टरप्राइजेजको नाममा यस बैंकको सुर्खेत शाखामा खाता नं.०२२०१०४०२५०५४२ रहेको र उक्त खातामा हाल जम्मा मौज्दात रकम रू.१,६४५।७८ (एक हजार छ सय पैंतालिस रूपैयाँ अठहत्तर पैसा) मात्र रहेको हाल त्यस कार्यालयको पत्र प्राप्तपश्चात् उक्त खाता रोक्‍का गरिएको भन्‍ने बेहोराको नेपाल इन्भेष्टमेन्ट बैंक लिमिटेडको मिति २०६९।१२।८ को पत्र ।

मैले मलेसियाबाट कमाई गरी मिति २०६९।१०।१४ गते सहबिर गन्द्रमाको छोरा लालबहादुर गन्द्रमाको नाममा निजले पाउने गरी रू.८१,३४५।- (एक्‍कासी हजार तीन सय पैंतालिस रूपैयाँ) त्रिमूर्ति मार्केटिङ आई.एम.ई. द्वारा पठाएकोमा निज भिनाजु लालबहादुर गन्द्रमा लिन जाँदा उक्त आई.एम.ई. सञ्चालक प्रतिवादी डिल्लीप्रसाद सापकोटा र तुलसीदेवी कँडेल (सापकोटा) ले बन्द गरी भागी गएको कुरा भिनाजुले मलाई जानकारी गराएपश्चात् मिति २०६९।११।१७ गते म विदेश स्थित मलेसियाबाट घरमा आई यो जाहेरी दरखास्त ल्याई उपस्थित भएको छु । अतः मबाट निज प्रतिवादी डिल्लीप्रसाद सापकोटा र तुलसीदेवी कँडेल (सापकोटा) समेतले उक्त रकम ठगी गरी लिएको हुँदा निजहरूलाई कारबाही गरी मेरो उक्त रकम असुलउपर गरिपाउँ भन्‍नेसमेत बेहोराको होमबहादुर रानाको मिति २०६९।१२।११ गतेको जाहेरी दरखास्त ।

मेरो भाइ गणेश डाँगीले मलेसियाबाट मैले त्रिमूर्ति मार्केटिङमार्फत भुक्तानी पाउने गरी नेपाली नगद रू.६०,०६६।- (साठी हजार छैसठ्ठी रूपैयाँ) आई.एम.ई. गरी पठाएकोमा उक्त रकम लिन भनी म उक्त मार्केटिङमा जाँदा सञ्चालकहरू तुल्सीदेवी कँडेलसमेतले आज पैसा छैन पैसा भएको समयमा आउनुहोला भनेको र पुन: रकम भुक्तानी लिन जाँदा तपाइँले नगद रकम लिई बैंकमा नै जम्मा गर्ने हो हाम्रोमा नै रकम जम्मा गर्नुहोस् भनी मलाई उक्त रकम भुक्तानी नदिई मिति २०६५।५।१ गते रकम जम्मा गरेको खाता नं.१३८ ना.नं.१२७६/१४६५ उल्लेख भएको मेरो नाममा खाता सञ्चालन भएको प्रमाण दिएको र उक्त रकम हाल भुक्तानी लिन जाँदा तुल्सीदेवी कँडेलसमेतका सञ्चालकहरू उक्त रेमिट्यान्स कारोबार गर्दै आएको संस्था नै बन्द गरी मलाई ठगी निज तुलसीदेवी कँडेलसमेत फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको मेरो रकम असुलउपर गरिपाउँ भन्‍ने बेहोराको बचत खाता नं.१३८ को प्रतिलिपिसहित मिति २०६९।११।१ गतेको लालकुमारी डाँगी कार्कीले पेस गरेका निवेदन, प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०६९।१२।१५ गतेको जाहेरी दरखास्त ।

मिति २०६९।१०।२९ गते मैले मेरो साथी राजुबहादुर नेपालीलाई त्रिमूर्ति मार्केटिङमार्फत लमजुङमा नगद रू.२०,१००।- (बिस हजार एक सय रूपैयाँ) पाउने गरी पठाएकोमा निज साथीले नपाएको र हाल उक्त रकम भुक्तान लिन जाँदा त्रिमूर्ति आई.एम.ई. बन्द रहेको र सञ्‍चालकहरू हुमलाल कँडेल, डिल्लीप्रसाद सापकोटा र तुलसीदेवी कँडेल (सापकोटा) समेत संस्था नै बन्द गरी ठगी गरी फरार रहेको हुँदा निजहरूलाई कारबाही गरी उक्त नगद रूपैयाँ असुलउपर गरिपाउँ भनी नगद रकम पठाएको रसिदसमेत संलग्न राखी मिति २०६९।१२।१५ गते पेस गरेको भुपालसिंह वि.क.को जाहेरी दरखास्त ।

मिति २०६९।६।११ गते म जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको तल्लो तलामा तुलसीदेवी कँडेल, हुमलाल कँडेल र डिल्लीप्रसाद सापकोटासमेतले सञ्चालन गरेको त्रिमूर्ति मार्केटिङमा नै थिएँ । उक्त मार्केटिङका सञ्चालकहरूसँग मेरो पहिलादेखि नै कारोबार हुँदै आएकोमा सो वारदातको दिनमा निजहरूले हामीलाई रकम सापटी दिनुहोस् भनेको र मैले पनि विश्वास मानी निजहरूलाई रकम सापटी दिन म सहमत भएको र सहमति भएपश्चात् निज सञ्चालकहरूमध्येकी तुलसीदेवी कँडेलले हामी रकम चलाउला तपाइँको रकम संस्थामा जम्मा गर्नुहोस् भनेकोले मैले पनि विश्वास मानी नगद रू.२,७५,०००।- (दुई लाख पचहत्तर हजार रूपैयाँ) मिति २०६९।५।११ गते र नगद रू.२५,०००।- (पच्चिस हजार रूपैयाँ) ऐ.१४ गते निजहरूलाई भरपाई गरी दिएकोमा मलाई पैसा आवश्यक परेकोले निजहरूले सञ्चालन गरेको मार्केटिङमा मिति २०६९।६।२१ गते गई मैले जम्मा गरेको साँवा र ब्याजसहितको पैसा भुक्तानी दिनुपर्‍यो भनी भन्दा रू.३०,०००।- (तीस हजार रूपैयाँ) फिर्ता दिएको र बाँकी रू.२,५०,०००।- (दुई लाख पचास हजार रूपैयाँ) पछि दिउँला भनेको र म पटकपटक उक्त रकम लिन जाँदा भोलि दिउँला भनी सधैँ आलटाल गर्ने गरेको र मिति २०६९।११।१ गते रकम माग्न जाँदा निज अन्यायीहरूले मिति २०६९।११।१० गते आउनु तपाइँको सम्पूर्ण रकम फिर्ता दिउँला भनी मौखिक रूपमा भनेका थिए निजहरूले भनेको मौखिक भाकाअनुसार म मिति २०६९।११।१० गते जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा निजहरूले सञ्चालन गरेको त्रिमूर्ति मार्केटिङमा रकम लिन भनी जाँदा उक्त त्रिमूर्ति मार्केटिङ बन्द गरी भागी फरार रहेको थाहा पाई निजहरूले मलाई ठगी गरी भागी फरार भएकोले निजहरू विरूद्ध कारबाहीको लागि जाहेरी दरखास्तसमेत यस कार्यालयमा चढाएको हुँ । निजहरूलाई हदैसम्मको कारबाही हुनुपर्छ निजहरूलाई पहिला मैले सापटी स्वरूप नगद रकम दिएको हुँ पछि ब्याज पाउने गरी खाता खोली जम्मा गरेको हुँ । प्रतिवादीहरूलाई कानूनबमोजिम हदैसम्मको कारबाही गरी ठगी भएको रकम असुलउपर गरी दिलाइपाउँ भन्‍ने बेहोराको जाहेरवाला ऋषिप्रसाद जैसीले मिति २०६९।१२।१८ गते गरेको घटना विवरण कागज ।

यस बैंकमा डिल्लीप्रसाद सापकोटाको नाममा २६०८५२४५६०४६८०१८ नं.को खाता सञ्चालन भएको र उक्त खातामा जम्मा रू.१,४०५।७६ नगद रकम जम्मा रहेको र शिवशक्ति ट्रेडस एन्ड सप्लायर्सको नाममा २६०१५२४५६०४७५०११ नं.को खाता सञ्चालनमा रहको र उक्त खातामा जम्मा रू.९७१।- (नौ सय एकहत्तर रूपैयाँ) रकम मौज्दात रहेको र उक्त खाताहरू हाल रोक्‍का गरेको बेहोरा जानकारीको लागि अनुरोध गरिएको छ भन्‍ने बेहोराको कुमारी बैंक लिमिटेडको मिति २०६९।१२।१९ गतेको प्राप्त पत्र ।

तुलसीदेवी कँडेलको १६१७००००००४५ नं.को खातामा रू.१८,१५८।१४, डिल्लीप्रसाद सापकोटाको खाता नं.०३१७०००००७९१ मा रू.११९४।३०, त्रिमूर्ति मार्केटिङको खाता नं.०११७००००००३२ मा ५,५५५।- शिवशक्ति ट्रेडर्स एन्ड सप्लाएर्सको खाता नं.०११७०००००००९ मा रू.५१४४।८८ र ०६०००००६०२१५ खातामा रू.१४५८।३२ रकमहरू क्रेडिट मौज्दात रहेको देखिएको बैंक अफ काठमाडौं लिमिटेडको मिति २०६९।१२।१९ गतेको पत्रसाथ प्राप्त पत्र बैंक स्टेटमेन्टबाट देखिएको विवरण मिसिल सामेल रहेको ।

यस बैंकमा तुलसीदेवी कँडेलको नाममा रहेको ३००७०१०००००९६ नं.को खातामा रू.५७२।७२ क्रेडिट मौज्दात देखिएको ग्लोबल बैंक लि.को स्टेटमेन्ट मिति २०६९।१२।२० मा दर्ता भएको विवरण ।

यस बैंकमा तुलसीदेवी कँडेलको नाममा ०३३००००६६५CM नं.को खाता सञ्चालन रहेको र उक्त खातामा रू.२,६८०।९६ (दुई हजार छ सय अस्सी रूपैयाँ छयानब्बे पैसा) मौज्दात रहेको र डिल्लीप्रसाद सापकोटाको नाममा यस बैंकमा ०३३००००५०५ CM नं.को खाता सञ्चालन रहेको र उक्त खातामा रू.१,१२९।९७ (एक हजार एक सय उनन्तिस रूपैयाँ सन्तानब्बे पैसा) रकम मौज्दात रहेको र तुलसीदेवी कँडेलको नाममा ०३३००००१५० नं.को खाता सञ्चालनमा रहेको र उक्त खातामा रू.१,३७,०००।- (एक लाख सैंतिस हजार रूपैयाँ) लोन रहेको र हाल उक्त खाताहरू रोक्‍कामा रहेको बेहोरा जानकारीको लागि अनुरोध गरिएको छ भन्‍ने बेहोराको सिटिजन्स बैंकको मिति २०६९।१२।२१ को पत्र ।

तुलसीदेवी सापकोटाको खाता नं.००१००००१०५ MB मा रू.५६७।५१ र डिल्लीप्रसाद सापकोटाको खाता नं.००१०००१००३ SB मा नगद रू.१२४।८३ मौज्दात रहेको । त्रिमूर्ति मार्केटिङको नाममा रहेको खाता नं.००१००००१९९ OD मा रू.९,९९,९९९।३३ ऋण रहेको भन्‍ने बेहोराको रारा विकास बैंकको मिति २०६९।१२।२८ को पत्र र बैंक स्टेटमेन्ट ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट उक्त मार्केटिङको सि.नं.१८८३ बिल भौचरमार्फत रूकुम खलङ्गाबाट मैलै नै भुक्तानी पाउने गरी मिति २०६९।१०।८ गते नगद रू.१,१४,०००।- (एक लाख चौध हजार रूपैयाँ) पठाउनको लागि दिएको र हालसम्म उक्त रकम सम्बन्धित स्थानमा नपठाई दिएको र उक्त मार्केटिङका सञ्चालक डिल्ली सापकोटालाई फोन सम्पर्कमार्फत र अन्य माध्यमबाट खोजतलास गर्दासमेत फेला नपरी हाल उक्त मार्केटिङ नै बन्द गरी ठगी गरी फरार रहेकोले निजहरूलाई खोजतलास गरी पक्राउ गरी कानूनबमोजिम कारबाही गरी ठगी गरेको रकम असुलउपर गरिपाउँ भन्‍ने बेहोराको लोकबहादुर खत्रीले रकम पठाएको सि.नं.१८८३ को भौचरसहित संलग्न राखी मिति २०६९।११।२० गते प्राप्त निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।३ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङबाट मैले भुक्तानी पाउने गरी मिति २०६८।८।२३ गतेदेखि विदेशबाट आई.एम.ई.गरी पठाएको नगद रकम सोही मार्केटिङमा नै खाता नं.११४ (ना.नं.०४४) मा जम्मा गरी चाहिएको समयमा लिने र विदेशबाट पैसा आएको समयमा जम्मा गर्दै आएकोमा हाल मेरो उक्त खातामा रू.२०,६४०।- (बिस हजार छ सय चालिस रूपैयाँ) जम्मा भएको उक्त रकम मलाई भुक्तान नदिई हाल उक्त मार्केटिङका सञ्चालक बन्द गरी रकम ठगी भागी फरार रहेकोले निजहरूलाई पक्राउ गरी कारबाही गरी ठगी भएको रकम असुलउपर गरिपाउँ भनी रकम जम्मा भएको खाता नं.११४ (ना.नं.०५४) को प्रतिलिपिसहित संलग्न राखी हिरालाल नेपालीले यस कार्यालयमा मिति २०६९।११।२३ गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।४ गते पेस गरेको जाहेरी दरखास्त ।

म जिल्ला सुर्खेत हरिहरपुर गाउँ विकास समिति वडा नं.४ बस्ने विष्णादेवी थापा र ऐ.ऐ. बस्ने म सन्तबहादुर वलीलाई सुर्खेत उद्योग वाणिज्य सङ्घको तल्लो तलाको कोठामा त्रिमूर्ति मार्केटिङ सञ्चालन गरी बस्ने तुलसीदेवी कँडेलले आफ्नो मार्केटिङमा बचतमा सयकडा १२ प्रतिशत ब्याज दिने र रकम ट्रान्सफरसमेत गर्छु भनेकीले म निवेदक विष्णादेवी थापाले उक्त मार्केटिङमा बचत खाता खोली रकम जम्मा गरेको र उक्त मार्केटिङको खाता नं.११० मा जम्मा गरेको मैले पाउनुपर्ने रू.१,०८,०,९६ (एक लाख आठ हजार छयानब्‍बे रूपैयाँ) भएको र म निवेदक सन्तबहादुर वलीले पनि मिति २०६९।२।१८ गतेदेखि उक्त मार्केटिङमा जम्मा गरेको रकम रू.१,५३,०००।- (एक लाख त्रिपन्‍न हजार रूपैयाँ) रहेकोमा मिति २०६९।११।१० गते रकम निकाल्न जाँदा मार्केटिङका सञ्चालक तुलसीदेवी कँडेलसमेत उक्त मार्केटिङ बन्द गरी रकम नदिई ठगी गरी भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको मिति २०६९।११।१३ गतेको विष्णादेवी थापा र सन्तबहादुर वलीको संयुक्त निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।६ गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमार्फत भुक्तानी पाउने गरी म निवेदिकाको नाममा विभिन्‍न मितिमा आएको नगद रकम रू.१,४१,०००।- (एक लाख एकचालिस हजार रूपैयाँ) मेरो खाता नं.१३२ ना.नं.२८७७ मा जम्मा भएकोमा मिति २०६९।११।२२ गते म उक्त रकम भुक्तानी लिन जाँदा त्रिमूर्ति मार्केटिङ बन्द गरी सञ्चालकहरू भागी फरार रहेकोले मेरो उक्त रकम ठगी गरेको हुँदा निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको जगमती पौडेलको नगद रकम जम्मा गरेको खाता नं.१३२ ना.नं.२८७७ को प्रतिलिपिसहित यस कार्यालयमा मिति २०६९।११।२२ गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध जाहेरवाला जगमती पौडेलले मिति २०७०।१।८ गते प्राप्त जाहेरी दरखास्त । 

सुर्खेत उद्योग वाणिज्य सङ्घको भवनको तल्लो तलाको कोठामा सञ्चालित त्रिमूर्ति मार्केटिङ सञ्चालक तुलसीदेवी कँडेल सापकोटाले नगद पनि जम्मा गर्छ र सयकडा १२ प्रतिशत ब्याज दिउँला पैसा पनि ट्रान्सफर गर्छ रकम जम्मा गर्नुहोस् भनेकीले मैल उक्त त्रिमूर्ति मार्केटिङमा मिति २०६९।७।२७ गतेसम्म रकम जम्मा गर्ने र चाहिएको बेला भुक्तानी लिने गरेकोमा मेरो नामको खाता नं.१२४ मा नगद रू.८०,०००।- (असी हजार रूपैयाँ) बचत जम्मा रहेकोमा हाल मिति २०६९।११।१० गते उल्लिखित रकम भुक्तानी लिन जाँदा उक्त मार्केटिङ बन्द भएको हुँदा मलाई उक्त रकम नदिई ठगी गरी हाल उक्त मार्केटिङका सञ्चालक तुलसीदेवी कँडेल, डिल्लीप्रसाद सापकोटा र हुमलाल कँडेलसमेत भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको भिमबहादुर रोकाले रकम जम्मा गरेको खाता नं.१२४ को प्रतिलिपि संलग्न राखी जिल्ला प्रहरी कार्यालयमा मिति २०६९।११।१४ गते प्राप्त निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।१० गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङ सुर्खेतअन्तर्गत सञ्चालनमा रहेको शिवशक्ति ट्रेडर्सका सञ्चालक डिल्लीप्रसाद सापकोटा र निजका ससुरा हुमलाल कँडेल, तुलसीदेवी कँडेलसमेतले मिति २०६९।१०।१० गते मबाट रू.३,००,०००।- (तीन लाख रूपैयाँ) उक्त ट्रेडर्सको पाना नं.१४६ मा बचत हुने गरी वार्षिक १८ प्रतिशत ब्याज दिने गरी लिएकामा हाल निजहरूले उक्त त्रिमूर्ति मार्केटिङ सुर्खेतअन्तर्गत सञ्चालनमा रहेको शिवशक्ति ट्रेडर्सको नाममा अन्य मानिसहरूसमेतलाई ठगी गरी मेरो उल्लिखित रकमसमेत ठगी उक्त संस्थासमेत बन्द गरी डिल्लीप्रसाद सापकोटा र निजका ससुरा हुमलाल कँडेल, तुलसीदेवी कँडेल फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको मिति २०६९।१२।४ गते शेरबहादुर खड्काले पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।१२ गते पेस गरेको जाहेरी दरखास्त ।

मेरो पतिले भारतबाट IME मार्फत पठाएको पैसा डिल्लीप्रसाद सापकोटा र तुलसीदेवी कँडेलले ब्याज दिन्छौं खाता खोलेर राख्‍नुहोस् भनी विश्वास दिलाएकोले त्रिमूर्ति मार्केटिङमा खाता खोली राखेकोमा सोमध्ये रू.४५,०४०।- बाँकी रहेकोमा मिति २०६९।१०।७ गते निजहरू भागी बेपत्ता भएको हुँदा कानूनबमोजिम कारबाही गरिपाउँ भन्‍ने बेहोराको मिति २०७०।१।१२ गतेको जाहेरी दरखास्त ।

डिल्लीप्रसाद सापकोटासँग मेरो दिदी तुलसीदेवी कँडेलको विवाह २०४८ सालमा भएको हो, २०५८ सालमा भिनाजु व्यापारको सिलसिलामा सुर्खेतमा आएका हुन्, यसैक्रममा विरेन्द्रनगर नगरपालिका-६ स्थित उद्योग वाणिज्य सङ्घ सुर्खेतको भवनमा श्याम सापकोटाको नाममा त्रिमूर्ति मार्केटिङ IME खोली २०६६ सालमा डिल्लीप्रसाद सापकोटाले आफैँ सञ्चालन गर्दै आएका थिए, यसै क्रममा निजले मेरो बुबा हुमलाल कँडेलको नाममा के कसरी नामसारी गरी आफैँले नै सञ्चालन गर्दथे, नाफा घाटा कति हुन्थ्यो सबै रूपैयाँ डिल्लीप्रसाद सापकोटा र तुल्सीदेवी कँडेलले नै हिसाब राख्दथे, सो IME मा अन्य के के हुन्थ्यो थाहा भएन, एकै पटक उक्त IME ले सर्वसाधारणको पैसा खाई ठगी फरार भएको भनी प्रहरीमा उजुरी परेपछि मैले थाहा पाएँ, हुमलाल कँडेल त्रिमूर्ति मार्केटिङ IME मा जाने आउने गर्दैनथे, उक्त IME को सम्पूर्ण कारोबार डिल्लीप्रसाद सापकोटा र तुलसीदेवी कँडेलले गर्दथे, निजहरू हाल भागी फरार भई कहाँ बसेका छन् भन्‍ने कुरा मलाई थाहा छैन, निजहरूलाई कानूनबमोजिम कारबाही गरी निवेदकहरूको पैसा फिर्ता दिलाइदिनुपर्दछ भन्‍ने बेहोराको कृति कँडेलले मिति २०७०।१।१२ मा गरेको घटना विवरण कागज ।

IME को Head office काठमाडौंमा छ, IME भनेको छिटोछरितो रकम उपलब्ध गराउने संस्था हो । कुनै पनि व्यक्तिले जुनसुकै स्थानबाट पठाएको रकम नेपाल राष्ट्र बैंकमा जम्मा हुन्छ, सो रकम नेपाल राष्ट्र बैंकले IME को Head office मा सम्पर्क गर्छ, कुन स्थानको मानिसले पाउनुपर्ने हो सोहीअनुसार सम्बन्धित जिल्लाको IME को शाखाहरूमा पठाएपछि रकम पाउने व्यक्तिले आफ्नो कागजात र IME को कन्ट्रोल नम्बर देखाएपछि पाउने व्यक्तिको दस्तखत औंठाछाप लिई भुक्तानी दिने गरिन्छ सो रकम दिने बेला कुनै किसिमको आलटाल गरिँदैन, IME मा खाता खोल्नुहोस् यहाँ ब्याज पाइन्छ भन्‍ने जस्ता कुराहरू IME मा हुँदैन, रकम पाउने व्यक्ति आएपछि बत्ती, नेट छैन भन्‍ने काम हुँदैन, कहिलेकाहीँ नेट नभए नेट छैन केही समय लाग्छ पर्खिबस्नुस् भनी रकम दिएर पठाउने गरिन्छ, त्रिमूर्ति मार्केटिङका सञ्चालक डिल्लीप्रसाद सापकोटा र तुलसीदेवी कँडेलले रकम पाउने व्यक्तिले रकम लिन गएका बखत केही दिनपछि लिन आउनुहोला भनी सो रकम निकाली आफैँले खाने गर्दा रहेछन् किनकि IME मा हेड कार्यालयले तुरून्त रकम पठाइसकेको हुन्छ, हेड कार्यालयबाट रकम छैन कहिल्यै भन्दैन । निज सञ्चालकहरू डिल्लीप्रसाद सापकोटा, तुलसीदेवी कँडेल र हुमलाल कँडेलले ग्राहकहरूलाई ठगी गर्ने नियतले रकम छैन, पछि आउनु भनी IME बन्द गरी भागेको भनी सुनी थाहा पाएको हुँ । IME मा खाता खोली रकम जम्मा गर्ने ब्याज दिने सिस्टम हुँदैन । प्रतिवादीहरूले सोझासाझा जनतालाई ठगी गर्ने नियतले विभिन्‍न प्रलोभन देखाई खाता खोल्न लगाई ब्याज पाइन्छ भनी रकम जम्मा गर्न लगाई पीडितहरूलाई ठगी गरेको देखिन्छ । त्रिमूर्ति मार्केटिङका सञ्‍चालक डिल्लीप्रसाद सापकोटा, तुलसीदेवी कँडेल र हुमलाल कँडेलको मिलोमतोमा जाहेरी दरखास्तहरूमा उल्लिखित मानिसहरूको रकम खाने ठगी गर्ने नियतले IME बन्द गरी भागेका हुन् भन्‍ने बेहोराको दिनेश वि.क.को मिति २०७०।१।१२ को घटना विवरण कागज ।

मेरो घर त्रिमूर्ति मार्केटिङ आई.एम.इ. नजिकै भएकाले डिल्लीप्रसाद सापकोटा र तुलसीदेवी कँडेललाई राम्रोसँग चिन्दछु, निजले सर्वप्रथम औद्योगिक क्षेत्रमा बाकस उद्योग खोली व्यापार गरेका थिए, पछि त्रिमूर्ति मार्केटिङ (आई.एम.ई.) खोली सञ्चालन गर्दै आएका थिए । यसै क्रममा, २०६९ साल फाल्गुण १०/११ गतेतिर सो त्रिमूर्ति मर्केटिङका सञ्चालकहरू भागेपछि सर्वसाधारण मानिसहरू भेला जम्मा हुँदा मात्र ठगी गरी भागेको थाहा भयो, निज डिल्लीप्रसाद सापकोटा र निजको श्रीमती तुलसीदेवी कँडेलले पूर्वयोजना बनाई विदेशबाट पठाएको रकम भुक्तानी दिने बेलामा बढी ब्याज दिन्छौं भनी प्रलोभनमा पारी खाता खोल्न लगाई जम्मा गरेको रकम माग्न जाँदा भोलि आउनुस् भन्दै ठगी गरी भागी फरार भएको हुँदा प्रतिवादीहरू हुमलाल कँडेल, डिल्लीप्रसाद सापकोटा र तुलसीदेवी कँडेललाई कानूनबमोजिम कारबाही हुनुपर्छ भन्‍ने बेहोराको शम्मरबहादुर मल्लको मिति २०७०।१।१३ मा गरेको घटना विवरण कागज ।

त्रिमूर्ति मार्केटिङ (आई.एम.ई.) हुमलाल कँडेलको नाममा दर्ता भई, डिल्लीप्रसाद सापकोटा र तुलसीदेवी कँडेलले सञ्चालन गर्दै आएका थिए । (आई.एम.ई.) मा प्रायः तुल्सीदेवी कँडेल बस्ने गर्दथिन् । अन्य कर्मचारी पनि थिए । नाम थर थाहा भएन । यस्तैमा मेरो पहिचानका गंगल शाहीको भाइले कोरियाबाट निजको साथीलाई रू.३,००,०००।- पठाई निज साथी कुशल गुरूङले सुर्खेतबाट भुक्तानी पाउने गरी १३५२६८०३३५ नं.समेत टिपाएपछि त्रिमूर्ति मार्केटिङ (आई.एम.ई.) मा पैसा लिन जाँदा तुलसीदेवी कँडेलले तपाइँको रकम आएको छ अर्को दिन आएर लिनुहोला भनी ३/४ पटक आलटाल गरेको र पछि उक्त त्रिमूर्ति मार्केटिङ (आई.एम.ई.) बन्द गरी भागेको मलाई थाहा छ । निजहरूले गंगल शाहीलगायतका अन्य धेरै सर्वसाधारण मानिसहरूलाई ठगी गरेको कुरा थाहा पाएको हुँ । उक्त फर्मबाट रेमिट्यान्स कारोबार गर्ने इजाजत प्राप्त गरे तापनि सञ्‍चालकहरूले सर्वसाधारणहरूलाई अधिकतम ब्याज दिन्छौं भनी स्वदेश तथा विदेशबाट आएको रकम सम्बन्धितलाई भुक्तानी नगरी ढिलो भुक्तानी गर्ने, करकापमा पारी ब्याज दिने प्रलोभन देखाई रकम जम्मा गर्ने गरेको र उक्त रकम कसैलाई नदिई ठगी गरी फरार भएको कुरा थाहा पाएको हुँदा निजहरूलाई कानूनबमोजिम कारबाही हुनु पर्दछ भन्‍नेसमेत बेहोराको शेरबहादुर भण्डारीको मिति २०७०।१।१३ मा गरेको घटना विवरण कागज ।

म अपाङ्ग महासङ्घ जिल्ला च्याप्टरको महासचिव भएकोले प्राय: जसो विरेन्द्रनगर नगरपालिका-६ स्थित त्रिमूर्ति मार्केटिङ नजिकै रहेको अपाङ्ग महासङ्घकै अफिसमा हुन्छु । २०६९ साल फाल्गुण १०/११ गतेतिर त्रिमूर्ति मार्केटिङ IME बन्द भयो भनी पैसा लिने पीडितहरू जम्मा भएको देखी सोधनी गर्दा त्रिमूर्ति मार्केटिङ IME का सञ्चालकहरू डिल्लीप्रसाद सापकोटा र तुलसीदेवी कँडेलले IME बन्द गरी भागेछन् भन्‍ने कुरा गरेका थिए । बुझ्दा कसैको विदेशबाट आएको रकम २/४ दिनपछि आउनुहोला भन्‍ने, आएपछि रूपैयाँ नदिई आलटाल गर्ने, दिए पनि ब्याज बढी दिन्छौं भनी खाता खोल्न लगाउने, कसैको IME बाट पैसा पठाइसकेँ भनी नपठाई आफैँ खाने गरी ठगी गरेको कुरा थाहा पाएको थिएँ । पछि बुझ्दै जाँदा निज डिल्लीप्रसाद सापकोटाले उक्त त्रिमूर्ति मार्केटिङ IME आफ्नै ससुरा हुमलाल कँडेलको नाममा दर्ता गरी आफू बच्ने नियतले सो कार्य गरेको जस्तो 

लाग्छ । निज डिल्लीप्रसाद सापकोटाले पूर्वयोजना बनाई आफ्नो श्रीमतीसँग सम्बन्ध विच्छेदसमेत गरेको सुन्‍नमा आएको छ । किनकि श्रीमतीसँग सम्बन्ध विच्छेद गरेको देखाएपछि श्रीमतीलाई सजाय हुन्‍न भन्‍ने सोची गरेको हुन सक्छ । निज डिल्लीप्रसाद सापकोटाले पूर्वयोजनाअनुसार श्रीमतीसमेतको मिलेमतोमा ठगी गरी फरार भएकोले सो ठगीमा संलग्न सबैलाई कानूनबमोजिम कारबाही भई पीडितहरूको रकम फिर्ता दिलाइदिनुपर्दछ भन्‍ने बेहोराको नन्दप्रसाद चौलागाईको मिति २०७०।१।१४ मा गरेको घटना विवरण कागज ।

मञ्जु चौधरी मेरी श्रीमती हुन, त्रिमूर्ति मार्केटिङमा म वैदेशिक रोजगारमा काम गर्दा पठाएको रकममध्ये बाँकी रू.५,४९७।- रहेकोमा श्रीमतीले निकाल्न जाँदा उक्त त्रिमूर्ति मार्केटिङका सञ्चालकहरू फर्म बन्द गरी भागेको थाहा पाएँ, उक्त त्रिमूर्ति मार्केटिङका सञ्चालकहरूले म, मेरो सासू मानकुमारी चौधरी तथा अन्य सर्वसाधारणहरूको पैसा ठगी गरी भागेको हुँदा कानूनबमोजिम कारबाही गरी ठगिएको रकम दिलाई भराइपाउँ भन्‍ने बेहोराको श्याम चौधरीको मिति २०७०।१।१४ को घटना विवरण कागज ।

त्रिमूर्ति मार्केटिङमा मेरो नाममा खोलेको खाता नं.१२८ बाट बचत भएको रकम झिकी छोराछोरीको नाम लेखाउनु पर्ला भनी झिक्न आउँदा त्रिमूर्तिवाला भागेको एक महिनाजति भइसक्यो भनी वरपरका मानिसहरूले भनेपछि थाहा जानकारी भई अन्यायमा परी जाहेरी ल्याई उपस्थित भएको छु, अन्यायीहरू हुमलाल कँडेल, डिल्लीप्रसाद सापकोटा र तुलसीदेवी कँडेलले झुक्यानमा पारी खाता खोल्न लगाई बचत गरेको रू.११,८००।- ठगी गरी भागेको हुँदा मुलुकी ऐन ठगीको महलअनुसार कारबाही गरी रकम असुल गरिपाउँ भन्‍ने बेहोराको बसन्ती चौधरीको मिति २०७०।१।१५ को जाहेरी दरखास्त । 

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा तुलसीदेवी कँडेल सापकोटाले र डिल्लीप्रसाद सापकोटाले सञ्चालन गरेको त्रिमूर्ति मार्केटिङमार्फत मैले भुक्तान पाउने गरी मिति २०६८।१०।२२ गतेदेखि मेरा पति पूर्णबहादुर सलामीले विदेशबाट पठाएको नगद रकम रू.२,००,०००।- (दुई लाख रूपैयाँ) र मैले सोही मार्केटिङमा खाता नं.१०६ मा जम्मा गरेको र मिति २०६६ सालदेखि मेरो निजी खाता नं.४६ मा मैले मासिक रूपमा जम्मा गर्दै आएको मेरो बचत भएको जम्मा रू.३,००,०००।- (तीन लाख रूपैयाँ) समेत गरी जम्मा रू.५,००,०००।- (पाँच लाख रूपैयाँ) जम्मा भएकोमा हाल उक्त रकम भुक्तानी नदिई मार्केटिङ बन्द गरी ठगी गरी हाल उक्त मार्केटिङका सञ्चालक तुलसीदेवी कँडेल र डिल्लीप्रसाद सापकोटासमेत भागी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको देउकुमारी सलामीले रकम जम्मा गरेको खाता नं.१०६ र ४६ को प्रतिलिपिसहित मिति २०६९।११।१४ गते, २०७०।१।१० गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२० गतेको जाहेरी दरखास्त ।

सुर्खेत उद्योग वाणिज्य सङ्घको भवनको तल्लो तलाको कोठामा त्रिमूर्ति मार्केटिङ सञ्चालक तुलसीदेवी कँडेललाई नगद साँवा ब्याज दिने गरी रू.४३,५०२।- (त्रिचालिस हजार पाँच सय दुई रूपैयाँ) दिएकोमा मलाई उक्त रकम नदिई ठगी गरी हाल उक्त मार्केटिङका सञ्चालक तुलसीदेवी कँडेलसमेत उक्त मार्केटिङ बन्द गरी रकम ठगी गरी भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको धनीसुरा सिंजालीको मिति २०६९।११।११ गतेको निवेदन, सोही बेहोराको त्रिमूर्ति मार्केटिङको रू.४२,५५७।- (बयालिस हजार पाँच सय सन्ताउन्‍न रूपैयाँ) देखिएको खाता खोलेको प्रतिलिपिसहित प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमा म निवेदक रङकुमारी सिंहले खाता नं.८७ (ना.प्र.नं.९२३०१०/१४६) मा नगद रू.४,८३२।- (चार हजार आठ सय बत्तिस रूपैयाँ) र म निवेदक बसन्तकुमारी चन्द ठकुरीले खाता नं.१३६ मा नगद रू.१३,२०२।- (तेह्र हजार दुई सय दुई रूपैयाँ) जम्मा गरेकोमा हाल उक्त हाम्रो रकम हामीलाई भुक्तानी नदिई त्रिमूर्ति मार्केटिङ बन्द गरी ठगी गरी भागी फरार भएकोले उक्त मार्केटिङका सञ्चालक लाई पक्राउ गरी कारबाही गरी ठगी भएको रकम असुलउपर गरिपाउँ भनी नगद जम्मा गरेका खाता नं.८७ (ना.नं.९२३०१०/१४६) र खाता नं.१३६ को पाना २ को प्रतिलिपिसहित रङकुमारी सिंह र बसन्तकुमारी चन्दले संयुक्त रूपमा जिल्ला प्रहरी कार्यालयमा मिति २०६९।११।२३ गते पेस गरेको निवेदन । सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घको भवनको तल्लो तलामा रहेको त्रिमूर्ति मार्केटिङको खाता नं.८८ (ना.नं.६१५०/८९०) मा मैले मिति २०६८।१०।२९ गतेदेखि जम्मा गरेको नगद रकम रू.२,७०,०००।- (दुई लाख सत्तरी हजार रूपैयाँ) भुक्तानी लिन खोज्दा मिति २०६९।८।३० गतेसम्म १८ प्रतिशत र त्यसपछि २१ प्रतिशतका दरले २ वर्षभित्र तपाइँलाई साँवा र ब्याजसमेत दिउँला भनी ब्याज र साँवा दिने प्रकृतिको त्रिमूर्ति मार्केटिङको लेटरप्याडमा प्रतिवादी डिल्लीप्रसाद सापकोटा र तुलसीदेवी कँडेल (सापकोटा) ले कागजसमेत गरी हाल उक्त रकम नदिई ठगी गरी त्रिमूर्तिका सञ्चालकद्वय डिल्लीप्रसाद सापकोटा र तुल्सीदेवी कँडेलसमेतले उक्त मार्केटिङ बन्द गरी भागी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको पदमलाल चपाइको नगद रकम जम्मा गरेको खाता नं.९८ (ना.नं.६१५०/८९०) को भरपाईको प्रतिलिपिसहित मिति २०६९।११।२८ गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२० गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा त्रिमूर्ति मार्केटिङमा म निवेदिका पुजा खड्काको नाममा विभिन्‍न समयमा त्रिमूर्ति मार्केटिङबाट भुक्तानी पाउने गरी पठाएको नगद रकम यही जम्मा गर्नुहोस् तपाइँलाई १२ प्रतिशत ब्याज दिउँला भनी सञ्चालक डिल्लीप्रसाद सापकोटा र तुलसीदेवी कँडेलले भनेकोले मैले नगद रकम खाता नं.१४९ मा जम्मा गरेको र हाल उल्लिखित रकम भुक्तानी लिन जाँदा मलाई उक्त रकम नदिई ठगी गरी हाल उक्त मार्केटिङका सञ्चालक तुलसीदेवी कँडेलसमेत उक्त मार्केटिङ बन्द गरी रकम ठगी गरी भागी फरार रहेकोले निजलाई पक्राउ गरी कानूनबमोजिम कारबाही गरी ठगी भएको रकम रू.१,३५,०००।- (एक लाख पैंतिस हजार रूपैयाँ) असुलउपर गरिपाउँ भन्‍ने बेहोराको जिल्ला प्रशासन कार्यालय सुर्खेतको च.नं.२४२९ मिति २०६९।११।१० गतेको पत्रसाथ प्राप्त पुजा खड्काले रकम जम्मा गरेको खाता नं.१४९ को प्रतिलिपिसहितको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२२ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङमा मैले मिति २०६९।६।१९ गते मेरो नाममा खाता खोली खाता नं.१२१ ना.नं.५९८४४ मा नगद रू.५१,२००।- (एकाउन्‍न हजार दुई सय रूपैयाँ) वार्षिक १२ प्रतिशत ब्याज पाउने गरी रकम जम्मा गरेकोमा हाल म उक्त रकम भुक्तानी लिन भनी उक्त मार्केटिङमा जाँदा बन्द गरी मेरो रकम नदिई ठगी गरी सञ्चालकहरू भागी फरार भएकोले निजहरूलाई पक्राउ गरी मेरो ठगी भएको रकम असुलउपर गरिपाउँ भन्‍ने बेहोराको गौमाया रावलको बचत खाता नं.१२१ ना.नं.५९८४४ को प्रतिलिपि, त्रिमूर्ति मनि ट्रान्सफरमा रकम पठाएको भौचरको, नागरिकता प्रमाणपत्रको प्रतिलिपिसहित जिल्ला प्रशासन कार्यालय सुर्खेतमा मिति २०६९।११।२१ पेस गरी उक्त कार्यालयको च.नं.३११३, मिति २०६९।११।२१ गतेको पत्रसहित सोही दिन यस कार्यालयमा प्राप्त सक्‍कल निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२२ गतेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित उद्योग वाणिज्य सङ्घको भवनको तल्लो तलामा रहेको त्रिमूर्ति मार्केटिङ र शिव शक्ति ट्रेडर्सका सञ्चालक डिल्लीप्रसाद सापकोटा र तुलसीदेवी कँडेल सापकोटाले हामीले सञ्चालन गरेको फर्म शिवशक्ति ट्रेडर्समा रूपैयाँ जम्मा गर्दा रकम सुरक्षित हुन्छ, रकम बचत गर्नुहोस् उचित ब्याज दिउँला भनी मलाई रकम जम्मा गर्न भर विश्वासमा पारेकोले मैले मिति २०६९।१०।१६ गतेका दिन शिवशक्ति टेर्डसमा पाना नं.१४६ मा नगद रू.४,००,०००।- (चार लाख रूपैयाँ) जम्मा गरी बिचमा रू.१,००,०००।- (एक लाख रूपैयाँ) निकालेको थिएँ र बाँकी रू.३,००,०००।- (तीन लाख रूपैयाँ) जम्मा थियो । उक्त त्रिमूर्ति मार्केटिङ रहेको स्थानबाटै सञ्चालित शिवशक्ति ट्रेडर्स एन्ड सप्लायर्स संस्थामा जम्मा गरेको रकम मिति २०६९।१०।१४ गते निकाल्न भनी गएको अवस्थामा उक्त फर्मको कार्यालय बन्द गरी सञ्चालकहरू डिल्लीप्रसाद सापकोटा र तुल्सीदेवी कँडेलसमेतले ठगी गरी भागी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको लक्ष्मीप्रसाद गौतमको नगद रकम शिवशक्ति ट्रेडर्सको पाना नं.१४६ (ना.नं.६८८०८) जम्मा गरेको भरपाईको प्रतिलिपि र शिवशक्ति ट्रेडर्सबाट सोही फर्मकै पाना नं.१४६ मा जम्मा हुने गरी रकम जम्मा गरेको भरपाई कागजसहित मिति २०६९।११।२८ गते पेस गरेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२२ गते पेस गरेको जाहेरी दरखास्त ।

मैले मिति २०६९।२।२७ गतेको दिन त्रिमूर्ति मार्केटिङबाट मेरो दाजु ललितसिंह ठकुरीको नाममा काठमाडौंमा भुक्तानी पाउने गरी त्रिमूर्ति मार्केटिङको र.नं.८०९ बाट नगद रू.२,५०,०००।- (दुई लाख पचास हजार रूपैयाँ) पठाएकोमा नेटले काम नगरेकोले कोड नं. दिन नसकिएको, नेटले काम गरेपछि कोड नं. दिने भनी कोड नं. नदिई सम्बन्धित ठाउँमा रकम नपठाई ठगी गरी उक्त मार्केटिङका सञ्‍चालक डिल्लीप्रसाद सापकोटासमेत उक्त मार्केटिङ बन्द गरी रकम ठगी गरी भागी फरार रहेकोले निजलाई कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराका खगेन्द्रसिंह ठकुरीको मिति २०६९।११।११ गतेको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुँमलाल कँडेल विरूद्ध मिति २०७०।१।२३ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा हुमलाल कँडेल, तुलसीदेवी कँडेल सापकोटा र डिल्लीप्रसाद सापकोटासमेतले सञ्चालन गरेको त्रिमूर्ति मार्केटिङमा मैले मिति २०६९।१०।२० गते मेरो खाता नं.१६० मा रू.१,९४,०००।- (एक लाख चौरानब्बे हजार रूपैयाँ) नगद रूपैयाँ जम्मा गरेकोमा मैले विभिन्‍न मितिमा जम्मा रू.१,१५,०००।- (एक लाख पन्ध्र हजार रूपैयाँ) भुक्तानी लिएको बाँकी खातामा मेरो जम्मा रू.७९,०००।- (उनासी हजार रूपैयाँ) रकम जम्मा भएकोमा हाल उक्त रकम भुक्तानी लिन जाँदा सञ्चालकहरू संस्थाको अफिस बन्द गरी मेरो जम्मा भएको रकम भुक्तानी नदिई ठगी फरार रहेकोले निजहरूलाई पक्राउ गरी कानूनबमोजिम कारबाही गरी ठगी भएको रकमसमेत असुलउपर गरिपाउँ भन्‍ने बेहोराको रकम जम्मा गरेको सोसाथ संलग्न त्रिमूर्ति मार्केटिङ लेखेको खाता नं.१६० को प्रतिलिपिसहितको भक्तबहादुर नेपालीले मिति २०६९।११।२१ गते दिएको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।१।२३ गते पेस गरेको जाहेरी दरखास्त ।

मेरो श्रीमान्‌ले साउदी अरबबाट आई.एम. ई. गरी पठाएको रू.२,५०,०००।- (दुई लाख पचास हजार रूपैयाँ) लिन भनी जाँदा उक्त मार्केटिङका सञ्चालकहरूले पैसा गाउँमा लग्दा खतरा हुन्छ बैंकले ब्याज थोरै दिन्छ हामीकहाँ बचत गरेपछि ब्याज धेरै दिन्छौं भनी म जाहेरवालालाई ललाई फकाई गरी लोभलालच देखाई मलाई निजहरूले सञ्चालन गरेको त्रिमूर्ति मार्केटिङ आई.एम.ई.मा मिति २०६९।६।१६ गते रू.२,५०,०००।- (दुई लाख पचास हजार रूपैयाँ) बचत गरेकोमा मैले बिचमा आवश्यक परेकाले रकम भुक्तानी लिई बाँकी रहेको सावाँ ब्याजसहित नगद रू.१,५७,०००।- (एक लाख सन्ताउन्‍न हजार रूपैयाँ) उक्त मार्केटिङमा नै बचत रहेकोमा मिति २०७०।१।२२ गते उक्त रकम भुक्तानी लिन जाँदा उक्त मार्केटिङ बन्द रहेको र उक्त संस्थाका सञ्चालक भागी मेरो नगद रकमसमेत ठगी गरी फरार रहेको बुझिएकोले निजहरूलाई कानूनबमोजिम कारबाही गरी मेरो ठगी गरेको रकमसमेत कानूनबमोजिम दिलाई भराइपाउँ भनी रकम जम्मा गरेको भौचर (स्टेटमेन्ट) सहित पेस गरेको जिल्ला सुर्खेत साल्कोट गाउँ विकास समिति वडा नं.६ बस्ने बसन्ती रोका क्षेत्रीको मिति २०७०।१।२४ को जाहेरी दरखास्त ।

त्रिमूर्ति मार्केटिङबाट बरामद हाल बजार मूल्य खुलाउन नसकिएका Haier लेखिएको २२ इन्चको टि.भी.को मूल्य रू.२४,०००।- (चौबिस हजार रूपैयाँ), रूपैयाँ गन्ती गर्ने मेसिनको रू.२८,०००।- (अट्ठाइस हजार रूपैयाँ), Odtel लेखिएको टेलिफोन सेटको मूल्य रू.१,५००।- (एक हजार पाँच सय रूपैयाँ) पर्छ र उल्लिखित समानहरूको जम्मा मूल्य रू.५३,५००।- (त्रिपन्‍न हजार पाँच सय रूपैयाँ) पर्छ भनी बजार मूल्य खुल्न नसकेका बरामद सामानहरूको मूल्य खुलाई लेखाई दिएको मिति २०७०।१।२४ गतेको पञ्चकृते मुचुल्का ।

त्रिमूर्ति मार्केटिङमा पैसा निकाल्ने क्रममा मेरो १६०३५ नं.को नागरिकता छोडेको थिएँ पछि लिन जाँदा फेला परेन भनेपछि मैले अर्को प्रतिलिपि निकालेको छु, त्रिमूर्ति मार्केटिङसँग बाँकी कारोबार छैन भन्‍ने बेहोराको त्रिमूर्ति मार्केटिङबाट बरामद भएका १५ थान नागरिकतामध्येकी तोताकुमारी खाणको मिति २०७०।१।२५ को घटना विवरण कागज ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ भवनको तल्लो तलामा रहेको त्रिमूर्ति मार्केटिङको खाता नं.८४३ मा मिति २०६६।८।२१ गतेदेखि लाटीकोइली गाउँ विकास समिति वडा नं.३ बस्ने श्याम चौधरीले जम्मा गरेको नगद रकम रू.५४९७।- (पाँच हजार चार सय सन्तानब्बे रूपैयाँ) भुक्तानी नदिई हाल उक्त मार्केटिङ बन्द गरी ठगी गरी फरार रहेकोले पक्राउ गरी कानूनबमोजिम कारबाही गरी ठगी भएको रकम असुलउपर गरिपाउँ भन्‍ने बेहोराको मन्जु चौधरीको नगद रकम जम्मा गरेको खाता नं.८४३ को प्रतिलिपिसहित मिति २०६९।११।२७ गते प्राप्त निवेदन र सोही बेहोरालाई समर्थित हुने गरी मिति २०७०।१।२५ गते श्याम चौधरीले गरेको घटना विवरण कागज ।

भक्तबहादुर सलामी मेरो बुबा हुन् । मैले निवेदनसाथ पेस गरेको खाताको प्रतिलिपि बुबा भक्तबहादुर सलामी हो मैले मेरो निवेदनमा उक्त कुरा खुलाउन छुटेको हो बुबा भक्तबहादुर सलामी र मैले पेस गरेको उजुरी एउटै विषयको हो भनी खुलाउन छुटेका कुरा खुलाएको हो भन्‍ने गोकर्ण सलामीको मिति २०७०।१।२६ मा गरेको कागज ।

म नेपाल प्रहरीमा प्रहरी जवान पदमा कार्यरत रही जि.प्र.का रूकुममा कार्यरत रहेको अवस्थामा मैले घर व्यवहार चलाउनको निमित्त मेरो मासिक तलबबाट कट्टा भई कर्मचारी सञ्चयकोषमा जम्मा भएको रकम मिति २०६९।११।१ गते कर्मचारी सञ्चयकोष शाखा कार्यालय सुर्खेतबाट रकम निकाली सोही दिन नै मैले नै रूकुम मुसिकोटमा भुक्तानी पाउने गरी त्रिमूर्ति मार्केटिङबाट रू.६०,०००।- (साठी हजार रूपैयाँ) पठाएकोमा उक्त रकम सम्बन्धित स्थानमा नपठाई सञ्चालकहरू हुमलाल कँडेल, डिल्लीप्रसाद सापकोटा र तुलसीदेवी कँडेलसमेतले मलाई ठगी गरेकोले कानूनबमोजिम कारबाही गरी रकम असुलउपर गरिपाउँ भन्‍ने बेहोरासमेतको शेरूवा लोहारको मिति २०७०।२।२० को जाहेरी दरखास्त ।

त्रिमूर्ति मार्केटिङ आई.एम.ई. सञ्चालन भएको कोठाबाट स्टिल दराज थान-२, स्टिलको र्‍याक थान-१, काठको स्टुल थान-७, प्लाष्टिक स्टुल थान-१, काठको कुर्ची थान-१, काउण्टर र्‍याक थान-१, इन्भटर थान-१, ब्याट्रि थान-२, Canon लेखेको चेप्टो सानो मेसिन थान-१, Mit-५ र U-५ लेखेको सिसि क्यामेरा थान-२, टेबुल थान-१, बेन्च थान-१, इन्डेक्स फाइल थान-३५, विभिन्‍न फाइल र लेखेका भौचरहरू-३ बोरा, नेपाली रू.२ को डलर थान-४ रू.१ को डलर थान-५, लोबेड बेन्च थान-१ समेत बरामद गरी प्रहरीले ल्याएको भन्‍नेसमेत बेहोराको मिति २०७०।२।२६ गतेको बरामदी मुचुल्का ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको तल्लो तलामा रहेको त्रिमूर्ति मार्केटिङ आई.एम.इ. मार्फत मैले भुक्तानी पाउने गरी मेरो श्रीमान्‌ले मिति २०६९।१०।१७ गते नगद रू.६०,०००।- (साठी हजार रूपैयाँ) पठाएकोमा सोही दिन रू.३२,००० (बत्तिस हजार रूपैयाँ) मैले निकाली बाँकी रहेको रू.२८,०००।- (अट्ठाइस हजार रूपैयाँ) त्रिमूर्ति आई.एम.ई.का सञ्‍चालकहरूले यहीँ जम्मा गर हामी राम्रो ब्याज दिन्छौं भनेकाले सोही स्थानमा रकम जम्मा गरेकोमा मिति २०७०।२।१५ गते उक्त बाँकी रहेको रकम निकाल्न जाँदा आई.एम.ई. कार्यालय बन्द गरी सञ्‍चालकहरू हुमलाल कँडेल, डिल्लीप्रसाद सापकोटा र तुलसीदेवी कँडेलसमेतले ठगी गरी भागेको थाहा हुन आएकोले उक्त ठगी भएको मेरो रकम असुलउपर गरी कारबाही गरिपाउँ भनी त्रिमूर्ति मार्केटिङमा मिति २०६९।१०।१७ गते पैसा जम्मा गर्दा लिएको भौचरको प्रतिलिपिसहित मिना मगरले मिति २०७०।३।१२ गते जिल्ला प्रहरी कार्यालयमा पेस गरेको जाहेरी 

दरखास्त ।

मिति २०६९।११।११ गते मेरो सञ्चय कोषमा जम्मा भएको नगद रू.५०,०००।- (पचास हजार रूपैयाँ) सुर्खेत विरेन्द्रनगर नगरपालिका वडा नं.६ हटियालाइन स्थित उद्योग वाणिज्य सङ्घ सुर्खेतको भवनको तल्लो कोठामा तुलसी कँडेलसमेतले सञ्चालन गरेको IME बाट उक्त रकम पठाई मैले नै दाङ जिल्लाबाट भुक्तानी पाउने गरी पठाएकोमा हालसम्म पनि मैले उक्त रकम नपाएकोले उक्त IME सञ्चालकहरू हाल भागी फरार रहेको र मेरो उक्त रकम ठगी गरेको हुँदा निज अन्यायीलाई पक्राउ गरी कानूनबमोजिम कारबाही गरी मेरो उक्त ठगी भएको नगद रू.५०,०००।- (पचास हजार रूपैयाँ) असुलउपर गराइपाउँ भनी Trimurti Marketing को रसिदसहित पेस गरेको मिति २०६९।११।६ को निवेदन र सोही बेहोराको २०७०।३।१३ गतेको गुमान घर्तिमगरको निवेदन ।

त्रिमूर्ति मार्केटिङबाट मैले भुक्तानी पाउने गरी मेरो छोराले बहराइनबाट मिति २०६९।९।८ गते नगद रू.९८,७५५।- (अन्ठानब्बे हजार सात सय पचपन्‍न रूपैयाँ) र मिति २०६९।९।८ गते कोड नं.१३५५०७००३८२ मा नगद रू.४९,८७४।- (उनान्चास हजार आठ सय चौहत्तर रूपैयाँ) गरी जम्मा रू.१,५०,६०४।- (एक लाख पचास हजार छ सय चार रूपैयाँ) पठाएकोमा तत्काल म आफ्नो कामको सिलसिलामा भारत गएकोले उक्त रकम लिन नसकेको हुँदा मैले उक्त रकम लिन मेरो छोरो पठाउँदा सञ्‍चालक तुल्सीदेवी कँडेलले जसको नाममा पठाएको हो उसले नै भुक्तानी पाउने भनेको र म केही समय ढिला आउने भएकोले पुनः छोरालाई उक्त रकम लिन पठाउँदा रकम तपाइँले पाउनु हुन्‍न । रकम यहीँ खाता खोली जम्मा गरिदिन्छु । बुबा आएपछि आउनु भनी एउटा कागजमा पाउनुपर्ने रकम लेखी दिएकी थिइन् । म भारतबाट आएपछि रकम भुक्तानी लिन मिति २०६९।११।११ गते त्रिमूर्ति मार्केटिङ (आइ.एम.ई) को कार्यालयमा जाँदा उक्त कार्यालय बन्द गरी उक्त IME का सञ्‍चालक तुलसीदेवी कँडेलसमेत ठगी गरी भागी फरार रहेकोले निजलाई कानूनबमोजिम कारबाही गरी मेरो ठगी भएको रकम असुलउपर गरिपाउँ भन्‍ने बेहोराको मिति २०६९।११।११ गतेको प्रेमबहादुर बुढा क्षेत्रीको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।३।१३ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घको भवनको तल्लो तलाको कोठामा रहेको त्रिमूर्ति मार्केटिङका सञ्‍चालक हुमलाल कँडेल, तुलसीदेवी कँडेल र डिल्लीप्रसाद सापकोटासमेतले मलाई तपाइँको रकम हाम्रो मार्केटिङमा जम्मा गर्नुहोस् हामी १२ प्रतिशत ब्याज दिन्छौं भनेकोले मैले उक्त मार्केटिङमा नगद रू.१,५०,६०४।- (एक लाख पचास हजार छ सय चार रूपैयाँ) जम्मा गरेकोमा हाल उक्त रकम भुक्तानी लिन भनी म उक्त मार्केटिङमा जाँदा बन्द गरी सञ्चालकहरू फरार रहेकोले निजहरूले मलाई ठगी गरेको हुँदा निजहरूलाई पक्राउ गरी मेरो ठगी भएको रकम असुलउपर गरिपाउँ भन्‍ने बेहोराको उक्त त्रिमूर्ति मार्केटिङको खाता नं.१४६ ना.नं.१७६८० लेखेको रसिदको प्रतिलिपिसहितको मिति २०६९।१२।६ गतेको प्रेमबहादुर बुढा क्षेत्रीको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।३।१३ गते पेस गरेको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको तल्लो तलामा त्रिमूर्ति मार्केटिङमा मिति २०६९।१०।१५ गते प्रतिवादी डिल्लीप्रसाद सापकोटाले मलाई २०९६ नं.को भाडा बस बैंकमा फाइनान्स छैन भनी विश्वासमा पारी मबाट रू.१०,००,०००।- (दश लाख रूपैयाँ) लिई मलाई बिक्री गरेको र उक्त बस नामसारी नगरी ठगी गरेकाले मेरो ठगी भएको उक्त रकम दिलाई कारबाही गरिपाउँ भन्‍ने पदमबहादुर खड्काको मिति २०७०।३।१९ को जाहेरी दरखास्त ।

मेरो छोराले कतारबाट मलाई त्रिमूर्ति शिवशक्ति IME बाट रकम भुक्तानी पाउने गरी पठाएको रू.८०,०००।- (असी हजार रूपैयाँ) मिति २०६९।११।३ गते उक्त रूपैयाँ लिन भनी म जाँदा हालसम्म पनि मैले नपाएकाले उक्त IME सञ्‍चालक हाल भागी फरार रहेको र मेरो उक्त रकम ठगी गरेको हुँदा निज अन्यायीलाई पक्राउ गरी कानूनबमोजिम कारबाही गरी मेरो उक्त ठगी भएको नगद रूपैयाँ असुलउपर गराइपाउँ भन्‍ने बेहोराको मिति २०६९।११।१० गते चन्द्रा सिजापतीले निवेदन दिएकोमा पछि उक्त रकम रू.८०,०००।- (असी हजार रूपैयाँ) नभई रू.४०,०००।- (चालिस हजार रूपैयाँ) भएको र उक्त रकम मैले पाइसकेँ भन्‍ने बेहोराको निज चन्द्रा सिजापती (थापा) को मिति २०७०।४।३ गतेको घटना विवरण कागज ।

मेरो पतिले मलेसियाबाट पठाएको रू.१,५०,०००।- (एक लाख पचास हजार रूपैयाँ) मिति २०६९।११।१ गतेमा लिन आउनु भन्‍ने भरपाई दिएकोमा उक्त दिन आउँदा तत्कालीन त्रिमूर्ति मनी ट्रान्सफर हाल त्रिमूर्ति मार्केटिङका सञ्चालक भागी फरार भएकोले कानूनबमोजिम गरी मेरो उक्त रकम फिर्ता दिलाइपाउँ भन्‍नेसमेत बेहोराको मिति २०६९।१२।२८ गते चन्द्रकली खड्काको निवेदन, सोही बेहोराको प्रतिवादी डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेल विरूद्ध मिति २०७०।४।४ गते पेस गरेको जाहेरी दरखास्त ।

मिति २०६९।१०।२७ गते त्रिमूर्ति मार्केटिङबाट मैले भुक्तानी पाउने गरी दुवैबाट मेरो नाममा IME गरी पठाएको नगद रू.२५,०००।- (पच्चिस हजार रूपैयाँ) रकम भुक्तानी लिन भनी उक्त मार्केटिङको कार्यालयमा जाँदा अहिले मेसिन बिग्रेको छ । भुक्तानी पाउन सक्नुहुन्‍न, दुई हप्तापछि आउनु भनेकोले म फर्की गई दुई हप्तापछि पुनः रकम भुक्तानी लिनको लागि उक्त मार्केटिङको कार्यालयमा गएकोमा कार्यालय बन्द रहेको देखी अन्य मानिसहरूसँग बुझ्दा उक्त IME का सञ्‍चालक IME बन्द गरी भागी फरार रहेको बुझिएकोले निजलाई कानूनबमोजिम कारबाही गरी मेरो ठगी भएको रकम असुलउपर गरिपाउँ भनी मिति २०६९।११।१० गते ज्ञानुकुमारी गुरूङले दिएको निवेदन । निज ठगी गर्ने अभियुक्तहरू डिल्लीप्रसाद सापकोटा, तुलसीदेवी कँडेल (सापकोटा) र हुमलाल कँडेललाई पक्राउ गरी उक्त रकम दिलाइपाउँ भन्‍ने मिति २०७०।४।८ गतेको ज्ञानुकुमारी गुरूङको जाहेरी दरखास्त ।

जिल्ला सुर्खेत विरेन्द्रनगर नगरपालिका वडा नं.६ स्थित सुर्खेत उद्योग वाणिज्य सङ्घ सुर्खेतको तल्लो तलामा त्रिमूर्ति मार्केटिङमा मिति २०७०।२।२६ गते खानतलासी गर्दा बरामदी मुचुल्कामा उल्लिखितको मूल्य रू.१,४७,४८०।- (एक लाख सत्चालिस हजार चार सय असी रूपैयाँ) कायम भएको भन्‍ने उद्योग वाणिज्य सङ्घको च.नं.७१ मिति २०७०।४।१४ को पत्र ।

प्रस्तुत मुद्दामा जाहेरवालाहरूको किटानी जाहेरी, बरामदी मुचुल्का, घटनास्थल मचुल्का, बैंक स्टेटमेन्ट तथा सरकारी कार्यालयहरूबाट खुली आएको बेहोरा, बुझिएका मानिसहरूको भनाई लेखाई तथा बरामद दशीसमेतका आधार प्रमाणहरूबाट सुर्खेत वी.न.पा. वडा नं.६ मा प्रतिवादी हुमलाल कँडेलको नाममा त्रिमूर्ति मार्केटिङ र अर्का प्रतिवादी तुलसीदेवी कँडेलको नाममा श्री शिवशक्ति ट्रेडर्स एन्ड सप्लायर्स खोली यी प्रतिवादीहरूले आफ्नो हक नपुग्ने अर्काको हकको चल (नगद) धनमाल हक पुग्ने जाहेरवालाहरूलाई विदेशबाट उनीहरूका आफन्तले पठाएको, उनीहरूले नेपालकै एक ठाउँबाट अर्को ठाउँ पठाएको रकम र राम्रो ब्याजको प्रलोभन देखाई प्रतिवादीले उठाएको रकम लिने खाने नियतले विभिन्‍न बहाना बनाई नदिई नपठाई आफूले लिए खाएको, आफूले रेमिट्‍यान्सको मात्र कारोबार गर्ने गरी घरेलु तथा साना उद्योग कार्यालयबाट लिएको स्वीकृतिभन्दा बाहिर गई ढाँटी, छल कपट गरी गफलतमा पारी, झुक्याई जाहेरवालाहरूको जम्मा बिगो रू.१,०८,०८,८०७।- मध्ये उक्त त्रिमूर्ति मार्केटिङको नामबाट कारोबार गरी ठगी गरेको रू.१,०२,०८,८०७।- (एक करोड दुई लाख आठ हजार आठ सय सात रूपैयाँ) प्रतिवादीहरू हुमलाल कँडेल, तुलसीदेवी कँडेल र डिल्लीप्रसाद सापकोटाको मिलेमतोबाट ठगी गरेको देखिएकाले उक्त बिगो प्रतिवादीहरू हुमलाल कँडेल, तुलसीदेवी कँडेल र डिल्लीप्रसाद सापकोटाबाट र अर्को सोही एकै स्थानबाट तुलसीदेवी कँडेलको नाममा फर्म दर्ता भई निजकै श्रीमान् डिल्लीप्रसाद सापकोटासमेत मिली सञ्चालन गरेको श्री शिवशक्ति ट्रेडर्स एन्ड सप्लायर्सबाट रू.६,००,०००।- (छ लाख रूपैयाँ) ठगी गरेको स्थापित भएकाले सो बिगो निज प्रतिवादी तुलसीदेवी कँडेल, डिल्लीप्रसाद सापकोटा र हुमलाल कँडेलले मुलुकी ऐन, ठगीको १ नं.को कसुर गरेकोले निज प्रतिवादीहरूलाई मुलुकी ऐन, ठगीको महलको ४ नं. बमोजिम सजाय गरी ऐ. ४ नं. बमोजिम जाहेरवालाहरूलाई उक्त रकम दिलाई भराइपाउँ भन्‍ने बेहोराको वादी नेपाल सरकारको मिति २०७०।६।१६ को अभियोग मागदाबी ।

अभियोग दाबीबमोजिमको कसुरमा म संलग्न छैन र जाहेरवालाका रूपैयाँ पैसा खाएपाए मासेको अभियोग मागदाबीबाट फुर्सद दिलाइपाउँ भन्‍नेसमेत बेहोराको प्रतिवादी हुमलाल कँडेलले सुरू अदालतमा मिति २०७०।६।१६ मा गरेको बयान ।

त्रिमूर्ति मार्केटिङ मेरो ससुराको नाममा दर्ता भए पनि मैले आफैँ मेरो नितान्त व्यक्तिगत रूपमा सञ्चालन गरेको फर्म हो र शिवशक्ति ट्रेडर्स मेरो श्रीमतीका नाममा दर्ता भए पनि सम्पूर्ण कारोबार लेनदेन र जिम्मेवारी मेरो मात्र हुँदा अरू प्रतिवादीहरू कोही कसैलाई कारबाही हुने होइन । मेरो फर्ममा भएको लेनदेन कारोबार हुँदा लिने दिने जे जति रकमहरू छन् ती सबै मसँग औद्योगिक क्षेत्रमा भएका लेजरहरूबाट हिसाब निकाली लेनदेन कारोबारबाटै समस्याको समाधान हुने हुँदा मलाई समेत ठगीमा कारबाही नगरी लेनदेन व्यवहारअन्तर्गत गरिपाउँ भन्‍नेसमेत बेहोराको प्रतिवादी डिल्लीप्रसाद सापकोटाले सुरू अदालतमा मिति २०७०।९।२९ मा गरेको बयान ।

अभियोग मागदाबीबमोजिम मैले ठगी गरेको नहुँदा सफाइ दिलाइपाऊँ । जाहेरवालाहरूको के-कति रकम लिनु दिनु छ सो सबै कुरा मेरो लोग्नेको रेकर्ड लेजर तथा खाताहरू हेरी लेनदेनमा कारबाही हुनुपर्ने हो भन्‍नेसमेत बेहोराको प्रतिवादी तुलसीदेवी कँडेल (सापकोटा) ले सुरू अदालतमा मिति २०७०।९।२९ मा गरेको बयान ।

मेरो दिदीले कुवेतबाट पटकपटक गरी त्रिमूर्तिमार्फत पाउने गरी पठाएको रकम त्यही त्रिमूर्ति मार्केटिङमा प्रतिवादी तुलसीदेवी र प्रतिवादी डिल्लीप्रसाद सापकोटासँग कागज गरी निजहरूलाई उक्त पैसा दिएकी हुँ । २ पटक दुई / दुई हजारका दरले ब्याजसमेत पाएको उक्त रकम रू.१,३५,०००।- लिन जाँदा उक्त संस्था ताला लागेको देखेकाले आफ्नो रकम असुलीको लागि जाहेरी दिएकी हुँ भन्‍नेसमेत बेहोराको जाहेरवाला पुजा खड्काले मिति २०७१।१।३० गते सुरू अदालतमा गरेको बकपत्र ।

प्रतिवादी तुलसीदेवी कँडेल बिरामी भई उपचारको क्रममा भारततर्फ लिई जाँदा उक्त संस्था बन्द भई कारोबार गर्ने व्यक्तिहरूले लेनदेनको विषयलाई ठगी भनी जाहेरी दर्खास्त गरेका हुन् जाहेरवाला र प्रतिवादीका बिचमा लेनदेन भएको हो ठगी होइन भन्‍नेसमेत बेहोराको प्रतिवादी डिल्लीप्रसाद सापकोटाका साक्षी दुर्गाप्रसाद ढकालले मिति २०७१।१।३० मा सुरू अदालतमा गरेको बकपत्र ।

हाम्रोबिचमा ब्याज लिने दिने भनी कागज भएको र छोटो समयमै संस्था बन्द भएकाले आफ्नो रकम असुलीको लागि जाहेरी दिएको हुँ भन्‍नेसमेत बेहोराको जाहेरवाला भक्तबहादुर नेपालीले मिति २०७१।१।३० मा सुरू अदालतमा गरेको बकपत्र ।

मैले त्रिमूर्ति मार्केटिङमा राखेको नगद तीन लाख रूपैयाँ लिन बाँकी थियो, उक्त संस्था बन्द भएको देखेर मेरो पैसा डुब्छ कि भनी निवेदन दिएकी हुँ । प्रतिवादीले हामीलाई ठगेको होइन । हाम्रोबिचमा लेनदेनको सम्बन्धमा कागजसमेत भएको छ । उक्त व्यवहार हाम्रो लेनदेनको व्यवहार हो भन्‍नेसमेत बेहोराको जाहेरवाला लक्ष्मीप्रसाद गौतमले मिति २०७१।१।३० मा सुरू अदालतमा गरेको बकपत्र ।

हामीबिचको कारोबार ठगी नभई लेनदेन हो, हालसम्म ब्याज पाएको छैन । संस्था बन्द हुँदा जाहेरी दिएको हुँ भन्‍नेसमेत बेहोराको मुख्य जाहेरवाला तुलविर खड्काले मिति २०७१।२।१ मा सुरू अदालतमा गरेको बकपत्र ।

प्रतिवादीहरू ताल्चा बन्द गरी, थाहा नदिई बाहिर जानुभएकाले आफ्नो पैसा ठगिने हो कि भन्‍ने शंकाले जाहेरी दिएकी हुँ । पहिले ब्याजसमेत लिने गरेकोले हाम्रो कारोबार ठगी नभई विशुद्ध लेनदेनको कारोबार हो भन्‍नेसमेत बेहोराको जाहेरवाली खगिसरा सारूले मिति २०७१।२।१ मा सुरू अदालतमा गरेको बकपत्र ।

हामीहरूका बिचमा भएको कारोबार लेनदेन हो । संस्था बन्द भएका कारणले आफ्नो रकम डुब्ने आशंकाले मात्र जाहेरी गरेकी हुँ भन्‍नेसमेत बेहोराको जाहेरवाली दिपा सिंहले मिति २०७१।२।१ मा सुरू अदालतमा गरेको बकपत्र ।

लेनदेनअनुसारको कारोबार हो, ठगी होइन संस्था बन्द भएकाले आफ्नो रकम डुब्छकि भनेर आवेशमा कानूनी कारबाही त्यसरी बढाइए पनि कारोबार विशुद्ध लेनदेन हो भन्‍नेसमेत बेहोराको जाहेरवाला चन्द्रबहादुर सारूले मिति २०७१।२।१ मा सुरू अदालतमा गरेको बकपत्र ।

उक्त रूपैयाँ मैले ब्याजको आसमा र उहाँहरूले हामी केही दिनको लागि चलाउँछौं भनेकाले लेनदेनको कागज गरी जम्मा गरेको हुँ, हाम्राबिचको कारोबार लेनदेन हो । ठगी होइन भन्‍नेसमेत बेहोराको जाहेरवाला गंगाबहादुर सारूले मिति २०७१।२।१ मा सुरू अदालतमा गरेको बकपत्र ।

ब्याजको आसमा उक्त संस्थामा राखेको पैसा डुब्छ निवेदन देउ भनी अरूले भनेकाले जाहेरी दिएकी हुँ । हाम्रोबिचको कारोबार लेनदेन वा ठगी हो मलाई थाहा छैन भन्‍नेसमेत बेहोराको जाहेरवाला धनसरा सिजालीले मिति २०७१।२।१ मा सुरू अदालतमा गरेको बकपत्र ।

प्रतिवादीहरूको परिस्थितिले सो व्यवहार भएको हो । ठगी भएको होइन । संस्था बन्द भएका कारण जाहेरी गरेको हुँ भन्‍नेसमेत बेहोराको जाहेरवाला खगेन्द्र सिंह ठकुरीले मिति २०७१।२।१ मा सुरू अदालतमा गरेको बकपत्र ।

हाम्राबिचको कारोबार लेनदेन हो, ठगी होइन पैसा गुम्छ कि भन्‍ने डरले जाहेरी दरखास्त दिएकी हुँ भन्‍नेसमेत बेहोराको जाहेरवाला रत्‍नबहादुर गाहाले मिति २०७१।२।१ मा सुरू अदालतमा गरेको बकपत्र ।

हाम्राबिचको कारोबार विशुद्ध लेनदेन हो, ठगी होइन, साँवा ब्याजसमेत बुझी लिइसकेको छु भन्‍नेसमेत बेहोराको जाहेरवाला मानकुमारी थरूनीले मिति २०७१।२।१ मा सुरू अदालतमा गरेको बकपत्र ।

उक्त संस्था बन्द भई प्रतिवादी कोही कसैसँग सम्पर्क नभएपछि आफ्नो रकम डुब्ने आशंकामा जाहेरी गरेको हुँ, जाहेरी गरेपछि प्रतिवादीहरूबिच सम्पर्क हुँदा लेनदेनकै विषय हुँदा बाँकी रकमसमेत बुझी लिइसकेको छु । प्रतिवादी तुलसीदेवी बिरामी हुँदा जिल्लाबाहिर र भारतमा समेत उपचारमा लिई गएको कुरा हामीलाई थाहा नभएको हुँदा लेनदेनको कारोबार भए पनि हाम्रो पैसा ठगी खाने उद्देश्यले भागी गएका हुन कि भनी शंकाले जाहेरी गरेको हुँ । निज प्रतिवादी फर्की आएपछि वास्तविकता थाहा भयो भन्‍नेसमेत बेहोराको जाहेरवाला ऋषिप्रसाद जैशीले मिति २०७१।२।१ मा सुरू अदालतमा गरेको बकपत्र ।

त्रिमूर्ति मार्केटिङ संस्थामा रू.१,४१,०००।- जम्मा गरेकी हुँ । उक्त रकम मैले घरमा राख्न डर लागेकाले उक्त संस्थाकी तुलसीदेवी कँडेललाई राख्‍न दिएकी हुँ, पैसा पाइसकेकी छु । लेनदेनको कागज भएकाले हाम्रो विशुद्ध लेनदेन हो ठगी होइन भन्‍नेसमेत बेहोराको जाहेरवाला जगमती पौडेलले मिति २०७१।२।१ मा सुरू अदालतमा गरेको बकपत्र ।

लेनदेन हो ठगी होइन, संस्था बन्द भएकाले आफ्नो रकम डुब्ने आशंकामा जाहेरी गरेको हुँ भन्‍नेसमेत बेहोराको जाहेरवाला भक्तबहादुर सलामीले मिति २०७१।२।१ मा सुरू अदालतमा गरेको बकपत्र ।

ब्याज पाउने आसाले उक्त रूपैयाँ जम्मा गरेको हुँ । केही समयपछि संस्था बन्द भएको हुँदा पैसा डुब्छ भन्‍ने डरले उजुरी दिएको हुँ । हाल उक्त मेरो सम्पूर्ण रकम पाइसकेको छ भन्‍नेसमेत बेहोराको जाहेरवाला हरिबहादुर के.सी.ले मिति २०७१।२।१ मा सुरू अदालतमा गरेको बकपत्र ।

हामीबिचको कारोबार लेनदेन हो ठगी होइन संस्था बन्द भएकोले पैसा हराउँछ भन्‍ने डरले जाहेरी दिएको हुँ भन्‍नेसमेत बेहोराको जाहेरवाली गौमाया रावलले मिति २०७१।२।१ मा सुरू अदालतमा गरेको बकपत्र ।

ब्याज पाउने गरी लेनदेन व्यवहारअन्तर्गत उक्त नगद रूपैयाँ मैले सो संस्थामा जम्मा गरेको हुँ । संस्था बन्द भएकाले आफ्नो पैसा ठगिने हो कि भन्‍ने शंकाले मैले जाहेरी दिएकी हुँ । हाम्राबिचमा लेनदनेको कागज भएको छ भन्‍नेसमेत बेहोराको जाहेरवाला लालकुमारी कार्कीले मिति २०७१।२।१ मा सुरू अदालतमा गरेको बकपत्र ।

संस्था बन्द भएकोले आफ्नो पैसा हराउँछ कि भनी जाहेरी दिएको हुँ, हाम्राबिचको कारोबार विशुद्ध लेनदेन हो ठगी होइन भन्‍नेसमेत बेहोराको जाहेरवाला चित्रबहादुर खड्काले मिति २०७१।२।१ मा सुरू अदालतमा गरेको बकपत्र ।

मैले सो संस्थामा ब्याज पाउने गरी जम्मा गरेको उक्त पैसा लिन जाँदा सटर बन्द भएको देखेपछि आफ्नो पैसा ठगिने हो कि भन्‍ने शंकाले निज प्रतिवादीहरूउपर जाहेरी दिएकी हुँ । जाहेरी परिसकेपछि सो साँवा र ब्याज प्राप्त गरेकी छु । हामीहरूबिच भएको कारोबार ठगी नभई विशुद्ध लेनदेन हो भन्‍नेसमेत बेहोराको जाहेरवाला चलाउनेले मिति २०७१।२।१ मा सुरू अदालतमा गरेको बकपत्र ।

मैले सो संस्थामा जम्मा गरेको रकम झिक्न जाँदा संस्था बन्द भएको देखेँ कता गएछन भनी आत्तिएर जाहेरी दिएकी हुँ । ठगी होइन लेनदेन हो । सो रूपैयाँ मैले पाइसकेकी छु भन्‍नेसमेत बेहोराको जाहेरवाली हिरा खड्केनीले मिति २०७१।२।२ मा सुरू अदालतमा गरेको बकपत्र ।

प्रतिवादी तुलसीदेवी कँडेल अकस्मात बिरामी परी उपचारको लागि संस्था नै बन्द गरी जिल्लाबाहिर गएका हुन् । लामो समयसम्म संस्था बन्द हुँदा विभिन्‍न व्यक्तिहरूले आ-आफ्नो रकम डुब्ने आशंकामा जाहेरी गरे पनि प्रतिवादीहरूले ठगी नगरेको र जाहेरवालाहरू र प्रतिवादीहरूबिचको कारोबार लेनदेन हो भन्‍नेसमेत बेहोराको प्रतिवादी तुलसीदेवी कँडेल सापकोटाका साक्षी केशर लामिछानेले मिति २०७१।२।२ मा सुरू अदालतमा गरेको बकपत्र ।

प्रतिवादी तुलसीदेवी सापकोटाको उपचारको लागि भारत दिल्लीमा प्रतिवादी डिल्लीप्रसाद सापकोटा र तुलसीदेवी कँडेल सापकोटा केही दिन गएकाले संस्था बन्द भएको देखी आफ्नो पैसा गुम्छ कि भन्‍ने डरले जाहेरवालाहरूले जाहेरी दिएका होलान् वास्तवमा यो ठगी नभई विशुद्ध लेनदेन हो भन्‍नेसमेत बेहोराको प्रतिवादी डिल्लीप्रसाद सापकोटाका साक्षी प्रकाशकुमार शाहीले मिति २०७१।२।२ मा सुरू अदालतमा गरेको बकपत्र ।

उक्त त्रिमूर्ति मार्केटिङ निज हुमलालका नाममा दर्ता रहे पनि कारोबार छोरी प्रतिवादी तुलसीदेवी कँडेल सापकोटा र ज्वाइँ प्रतिवादी डिल्लीप्रसाद सापकोटाले सञ्चालन गरेका हुन् । प्रतिवादी तुलसीदेवी बिरामी भई उपचारको क्रममा संस्था बन्द रहँदा सञ्चालकका हैसियतले प्रतिवादी हुमलाल कँडेलका नाममा जाहेरी परेको हुन सक्छ । मैले देखे जाने बुझेसम्म उक्त, कारोबार ठगी नभई लेनदेन हो भन्‍नेसमेत बेहोराको प्रतिवादी हुमलाल कँडेलका साक्षी ऐश्वर्यप्रसाद ढकालले मिति २०७१।२।२ मा सुरू अदालतमा गरेको बकपत्र ।

हाम्रोबिच लेनदेन कागजसमेत भएको छ । संस्था बन्द रहेका कारण रकम डुब्ने आशंकामा जाहेरी दिएको हो । लेनदेन हो ठगी होइन भन्‍नेसमेत बेहोराको जाहेरवाला शेरबहादुर खड्काले मिति २०७१।२।२ मा सुरू अदालतमा गरेको बकपत्र ।

संस्था बन्द भएको देखेर आफ्नो रकम डुब्छ कि भन्‍ने शंकाले जाहेरी दिएको हुँ । हामीहरूबिच भएको कारोबार ठगी नभई विशुद्ध लेनदेन हो भन्‍नेसमेत बेहोराको जाहेरवाला होमबहादुर रानाले मिति २०७१।२।२ मा सुरू अदालतमा गरेको बकपत्र ।

म र मेरो पत्‍नी पवित्रा बस्नेतले उक्त संस्थामा कार्यरत प्रतिवादी तुलसीदेवी कँडेललाई लेनदेन कारोबारअन्तर्गत ब्याज पाउने आसामा रू.६,६२,५२८।- नगद नेपाली रूपैयाँ दिएका हौं । संस्था बन्द भएको देखी आफ्नो यत्रो रकम ठगिने वा डुब्ने हो कि भन्‍ने शंकाले जाहेरी दिएका हौं । हाल उक्त पूरै रकम निज प्रतिवादी तुलसीदेवी कँडेलबाट फिर्ता प्राप्त गरिसकेको छु । निज प्रतिवादीबाट अब मैले साँवा र ब्याज रकम फिर्ता पाउनुपर्ने छैन सबै रकम चुक्ता भइसक्यो । हाम्रो कारोबार विशुद्ध लेनदेन हो ठगी होइन भन्‍नेसमेत बेहोराको जाहेरवाला डम्बरबहादुर बस्नेतले मिति २०७१।२।४ मा सुरू अदालतमा गरेको बकपत्र ।

आफ्नो पैसा डुब्छ कि भन्‍ने डरले अरूले जाहेरी दिएको देखी मैले पनि जाहेरी दिएकी हुँ । हामीबिचको कारोबार ठगी होइन विशुद्ध लेनदेन हो । मैले आफ्नो सबै पैसा पाइसके भन्‍नेसमेत बेहोराको जाहेरवाला बालकुमारी कार्कीले मिति २०७१।२।४ मा सुरू अदालतमा गरेको बकपत्र ।

उक्त रकम मैले हाम्रो लेनदेन भएको कारण सबै प्राप्त गरिसकेँ अब लिन बाँकी छैन । यो हाम्रो स्पष्ट लेनदेन हो, ठगी होइन । मेरो राखेको पैसा गुम्छ कि भनी संस्था बन्द गरेको र अरूले जाहेरी दिएको हुनाले मैले पनि जाहेरी दिएकी हुँ भन्‍नेसमेत बेहोराको जाहेरवाली सरस्वती भट्टराईले मिति २०७१।२।४ मा सुरू अदालतमा गरेको बकपत्र ।

उक्त रूपैयाँ ब्याजको मायाले तुलसीदेवी कँडेललाई दिएको हुँ, संस्था बन्द भएको देखेर जाहेरी दिएको हुँ, हाल उक्त मेरो पैसा र ब्याज मैले बुझिसकेको छु । ठगी होइन लेनदेन हो भन्‍नेसमेत बेहोराको जाहेरवाला टेकबहादुर थापाले मिति २०७१।२।४ मा सुरू अदालतमा गरेको बकपत्र ।

मेरो श्रीमान्‌ले विदेशबाट पैसा त्रिमूर्ति मार्केटिङमा पठाउनु हुन्थ्यो । श्रीमान्‌ले विदेशबाट रू.६०,०००।- रूपैयाँ पठाउनु भएकोमा मैले रू.३२,०००।- झिकी बाँकी रू.२८,०००।- रूपैयाँ जम्मा होस् भनी नझिकी सोही संस्थामा राखेकी थिएँ पछि सो बाँकी रूपैयाँ निकाल्न आउँदा संस्था बन्द देखे र अरू मानिसहरूले पनि जाहेरी दिएको देखेर शंकाले मैले पनि जाहेरी दिएको हुँ । हाम्रोबिचको कारोबार ठगी होइन लेनदेन हो । मैले लेनदेन भएको कारण सबै पाउनुपर्ने रूपैयाँ पाइसकेँ भन्‍नेसमेत बेहोराको जाहेरवाला मिना पुलामीले मिति २०७१।७।१७ मा सुरू अदालतमा गरेको बकपत्र । 

मेरो दाइले विदेश कतारबाट त्रिमूर्ति मार्केटिङमा पैसा पठाउनु हुन्थ्यो । मैले पनि उक्त मार्केटिङमा कारोबार गर्थें रू.१,५३,०००।- जम्मा भएको पैसा झिक्न भनी उक्त संस्थामा जाँदा संस्था बन्द भएको देखेर ठगी भएको हो कि भनी शंका लागेर जाहेरी दरखास्त दिएको हुँ । जाहेरी मैले आवेशमा आई उक्त संस्था बन्द देखेकोले जाहेरी दरखास्त हालेको हुँ । हाम्रो व्यवहार लेनदेनको हो ठगी होइन । मैले पाउनुपर्ने सबै रकम पाइसकेँ भन्‍नेसमेत बेहोराको जाहेरवाला सन्तबहादुर वलीले मिति २०७१।७।१७ मा सुरू अदालतमा गरेको बकपत्र ।

मैले पाउनुपर्ने पैसा सबै प्राप्त गरिसकेँ । अरूले जाहेरी दिएको हुँदा मैले पनि जाहेरी दिएको हुँ भन्‍नेसमेत बेहोराको गुमान घर्ती मगरले मिति २०७१।७।१७ मा सुरू अदालतमा गरेको बकपत्र ।

उक्त त्रिमूर्ति मार्केटिङ संस्थामा रू.८०,०००।- जम्मा बाँकी थियो । उक्त पैसा झिक्न जाँदा संस्था बन्द भएको र अन्य कारोबार गरेको व्यक्तिहरूले जाहेरी दिएको देखेर मैले पनि जाहेरी दिएको हुँ । मैले पाउनुपर्ने पैसा सबै पाइसकेँ भन्‍नेसमेत बेहोराको जाहेरवाला भीमबहादुर रोकायले मिति २०७१।७।१७ मा सुरू अदालतमा गरेको बकपत्र ।

संस्था के-कति कारणले बन्द भयो थाहा भएन मैले प्राप्त गर्नुपर्ने पैसा सबै प्राप्त गरिसकेको छु । संस्था बन्द भएको र अरूले भागी गए भनेपछि जाहेरी दिएको हुँ भन्‍नेसमेत बेहोराको जाहेरवाला लोकबहादुर खत्रीले मिति २०७१।७।१७ मा सुरू अदालतमा गरेको बकपत्र ।

मेरो बहिनी ज्वाइँले विदेशबाट प्रतिवादीहरूले सञ्चालन गरेको त्रिमूर्ति मार्केटिङ संस्थामा पठाएको रू.२५,०००।- झिक्न जाँदा संस्था बन्द भएको देखेपछि प्रहरीमा जाहेरी दिएकी हुँ । मैले आफ्नो पैसा पाइसकेँ पैसा बुझेको भरपाईसमेत गरिदिएकी छु भन्‍नेसमेत बेहोराको जाहेरवाली ज्ञानुकुमारी गुरूङले मिति २०७१।७।१७ मा सुरू अदालतमा गरेको 

बकपत्र ।

मेरो श्रीमान् विदेश मलेसियामा रोजगार गर्न गई पठाएको रू.१,५०,०००।- त्रिमूर्ति मार्केटिङमा राख्‍न दिएकोमा उक्त पैसा माग्न जाँदा बन्द भएकोले मेरो पैसा हराउँछ कि भनी प्रतिवादीउपर जाहेरी दिएकी हुँ । मैले आफ्नो पैसा पाइसकेँ । उक्त रूपैयाँ बुझी भरपाईसमेत गरिदिएकी छु भन्‍नेसमेत बेहोराको जाहेरवाली चन्दकली खड्काले मिति २०७१।७।१७ मा सुरू अदालतमा गरेको बकपत्र ।

मैले प्रतिवादीहरूले सञ्चालन गरेको त्रिमूर्ति मार्केटिङ संस्थामा ब्याजसमेत लिने सर्तमा रू.२,७०,०००।- रूपैयाँ राखेकोमा प्रतिवादीहरूले एक्‍कासी संस्था बन्द गरी इन्डियातिर गएकोले आफ्नो पैसा ठगिन्छ भन्‍ने डरले जाहेरी दिएको हुँ । मैले आफ्नो पैसा बुझिलिई भरपाईसमेत गरिदिएको छु भन्‍नेसमेत बेहोराको जाहेरवाला पदमलाल चपाईले मिति २०७१।७।१७ मा सुरू अदालतमा गरेको बकपत्र ।

प्रतिवादी डिल्लीप्रसाद सापकोटा र मेरोबिच नेपाल सेयर मार्केट प्रा.लि. को नाउँमा दर्ता भएको ट्रक मैले रू. एघार लाखमा सम्झौता भई मैले रू.१०,३४,०००।- विभिन्‍न मितिमा त्रिमूर्ति मार्केटिङमा जम्मा गरी बुझिसकेको र रू.६६,०००।- बक्यौता लिनुपर्ने पैसा पनि मैले तिरिसकेको छ । निज प्रतिवादीले मेरो नाउँमा गाडी पास नगरी फरार भई गएकाले त्रिमूर्ति मार्केटिङ बन्द भएकाले निजका नाउँमा जाहेरी दिएकी हुँ । गाडी मेरो नाउँमा पास गरी दिनुपर्‍यो कि मेरो पैसा फिर्ता दिनुपर्‍यो भन्‍नेसमेत बेहोराको जाहेरवाला दिपकबहादुर सिंहले मिति २०७१।७।१८ मा सुरू अदालतमा गरेको बकपत्र । 

प्रतिवादीहरूले सञ्चालन गरेको त्रिमूर्ति मार्केटिङ नामको संस्थामा रू.१,५०,६०४।- जम्मा गरेकोमा सो रूपैयाँ झिक्नको लागि छोरालाई इच्छापत्र गरी पठाएकोमा भोलि-भोलि गरी टार्नु भएकाले र फोन गर्दा भोलि आउनु भनी भनेका र भोलिपल्ट म जाँदा उक्त संस्था बन्द भएको देख्दा १/२ दिनपछि जाहेरी दिएको हुँ । हाल मैले पाउनुपर्ने आफ्नो पैसा पाइसकेँ भन्‍नेसमेत बेहोराको जाहेरवाला प्रेमबहादुर बुढाले मिति २०७१।७।१८ मा सुरू अदालतमा गरेको बकपत्र ।

मैले त्रिमूर्ति मार्केटिङमा रू.२०,६४५।- राखेकोमा उक्त संस्था बन्द भएको देखेपछि सबैले उजुर गरेको सुनी आफ्नो पैसा पनि डुब्ने शंकामा मैले जाहेरी गरेको हुँ पछि बुझ्दै जाँदा निज प्रतिवादी औषधी उपचार गर्न गएका रहेछन् । मैले उक्त पैसा पाइसकेको र भरपाईसमेत गरिदिएको छु भन्‍नेसमेत बेहोराको जाहेरवाला हिरालाल नेपालीले मिति २०७१।७।१८ मा सुरू अदालतमा गरेको बकपत्र ।

प्रतिवादीहरूले सञ्चालन गरेको त्रिमूर्ति मार्केटिङ संस्थामा मैले रू.६५,०००।- राखेकी थिएँ । उक्त संस्था बन्द भएकोले सबैले प्रहरीमा उजुरी दिएकाले मैले पनि उजुरी गरेको हुँ । मैले आफ्नो उक्त पैसा पाई भरपाईसमेत गरी दिएकी छु भन्‍नेसमेत बेहोराको जाहेरवाली नन्दा सुनारले मिति २०७१।७।१८ मा सुरू अदालतमा गरेको बकपत्र ।

प्रतिवादी हुमलाल कँडेल, प्रतिवादी तुल्सीदेवी कँडेल सापकोटा र प्रतिवादी डिल्लीप्रसाद सापकोटाले जाहेरवालाहरूबाट रेमिट्यान्स कारोबारको क्रममा पठाउन लिएको, रकम नपठाएको, बाहिरबाट पठाएको दिनुपर्ने रकम नदिएको र गैरकानूनी रूपमा जाहेरवालाहरूबाट र अन्य व्यक्तिबाट निक्षेप स्वीकार गरी रकम लिई जम्मा गरी जाहेरवालाहरू फिर्ता लिन जाँदा आज भोलि भनी पन्छाई फिर्ता नदिई कार्यालय बन्द गरी भागी जाहेरवालाहरूको सम्पत्ति लिई खाई ठगी गरी निजहरूले ठगीको १ नं.को कसुर गरेको पुष्टि हुन आयो । प्रतिवादीहरूले मागदाबीको पूरै रकम ठगी गरेको पुष्टि हुन आएकाले प्रतिवादीमध्येका हुमलाल कँडेल प्रत्यक्ष रूपमा रकम बुझ्ने लिने कार्यमा संलग्न भई कारोबार गर्ने गराउने गरेको नभई आफ्नो संस्थाको कारोबार नहेरी ठगी गर्ने कार्यमा परोक्ष रूपमा संलग्न रहेबाट निज ठगीमा संलग्न भए पनि निजको उमेर ६६ वर्षको देखिँदा निजलाई ठगीको ४ नं. बमोजिम १ वर्ष कैद र रू.३८,०२,९३६।- जरिवाना हुने ठहर्छ । प्रतिवादीमध्येका प्रतिवादी तुल्सीदेवी कँडेल सापकोटा र प्रतिवादी डिल्लीप्रसाद सापकोटामध्ये प्रतिवादी तुलसीदेवी शिवशक्ति ट्रेडर्सको मालिक भएकी, निज र प्रतिवादी डिल्लीप्रसाद सापकोटा सक्रिय रूपमा कारोबार सञ्चालनमा संलग्न भई रेमिट्यान्स रकम लिने, सङ्कलन गर्ने तर नपठाउने, नदिने, जाहेरवालाहरूलाई बाहिरबाट पठाएको रकम नदिने निक्षेप स्वीकार गर्ने र फिर्ता नदिने कार्यमा प्रमुख रूपमा संलग्न भएको देखिँदा ठगीको ४ नं. बमोजिम प्रतिवादी तुल्सीदेवी कँडेल सापकोटालाई ४ वर्ष कैद र प्रतिवादी डिल्लीप्रसाद सापकोटालाई ५ वर्ष कैद सजाय हुने र निजहरूलाई जनही रू.३८,०२,९३६।- जरिवाना हुने ठहर्छ । बिगो भराउने सम्बन्धमा रकम लिई सक्यौं भनी भरपाई गरेको र अदालतमा बकपत्र गरेका जाहेरवालालाई पुन: बिगो भराउनुपर्ने नहुँदा निजहरूबाहेकका जाहेरवालाहरूले निजको दाबीको बिगो प्रतिवादीहरूबाट भराई लिन पाउने ठहर्छ भन्‍ने सुर्खेत जिल्ला अदालतको मिति २०७१।१२।१६ को फैसला ।

अदालतमा उपस्थित भई बकपत्र गर्ने पुजा खड्का, भक्तबहादुर नेपाली, लक्ष्मीप्रसाद गौतम, खगीसरा सारू, दिपा सिंह, चन्द्रबहादुर सारू, गंगबहादुर सारू, धनसरा सिंजाली, खगेन्द्र सिंह ठकुरी, रत्‍नबहादुर गाहा, मानकुमारी थरूनी, ऋषिप्रसाद जैसी, जगमति पौडेल, भक्तबहादुर सलामी, हरिबहादुर के.सी., गौमाया रावल, तुलवीर खड्का, लालकुमारी कार्की, चित्रबहादुर खड्का, शसिला चलाउने, हीरा खड्केनी, शेरबहादुर खड्का, होमबहादुर राना, डम्बरबहादुर बस्नेत, बालकुमारी कार्की, सरस्वती भट्टराई, टेकबहादुर थापा, केशर लामिछाने, प्रकाशकुमार शाही, ऐश्वर्यप्रसाद ढकाल, दुर्गाप्रसाद ढकाल, मीना पुलामी, सन्तबहादुर वली, गुमान घर्ति मगर, भीमबहादुर रोकाय, लोकबहादुर खत्री, ज्ञानकुमारी गुरूङ, चन्द्रकली खड्का, पदमलाल चपाई, प्रेमबहादुर बुढा, भूपाल वि.क., हिरालाल नेपाली र नन्दा सुनारसमेतले अदालतमा बकपत्र गर्दा आफूहरूले प्रतिवादीहरूबाट रकम बुझी लिएको भरपाईसमेत पेस गर्न सकेको अवस्था नदेखिँदा विनाआधार, प्रमाण केवल बकपत्रको भरमा बिगो भराउनु नपर्ने भनी भएको सुरूको फैसला त्रुटिपूर्ण हुँदा उक्त फैसला बदर गरी प्रतिवादीहरूबाट जाहेरवालाहरूलाई बिगो भराई पाउने र सम्पूर्ण बिगोको आधारमा जरिवाना गरी प्रतिवादीहरूलाई अभियोग मागदाबीबमोजिम सजाय गरिपाउँ भन्‍नेसमेत बेहोराको पुनरावेदक वादी नेपाल सरकारको पुनरावेदन अदालत सुर्खेतमा मिति २०७२।३।९ मा गरेको पुनरावेदन पत्र ।

प्रमाण ऐन, २०३१ को दफा १० र १८ बमोजिम कुनै पनि जाहेरवालाहरूले सम्मानित अदालतमा आई बकपत्र गर्दा प्रतिवादीहरूले ठगी गरेको भन्‍न सकेको अवस्था छैन । अदालतमा आई हामीले हाम्रो रूपैयाँ फिर्ता पायौं हाम्रो रकम फिर्ता लिन बाँकी छैन भनी बकपत्र गर्ने जाहेरवालाहरूको हकमा समेत बिगो कायम गरिएको छ । त्यसैगरी अदालतमा उपस्थित भई बकपत्र नगर्नेका हकमा समेत बिगो कायम गरिएको साथै प्रमाण ऐन, २०३१ को दफा १४ र १६ बमोजिम पेसामा लागेका म पुनरावेदक प्रतिवादीले व्यवसायको सिलसिलामा नियमित रूपमा राखेको खातामा जाहेरवालाहरूले जाहेरवालाको रकम उल्लेख भएको सदनियतका साथ रूपैयाँ तिर्न बुझाउन छ भनी उल्लेख भएको नियमित रूपमा स्रेस्तामा चढाइएको आफूले प्राप्त गर्नुपर्ने रकमसमेत जनाइएको कारोबार र व्यवसायको रूपमा म पुनरावेदक प्रतिवादीले राखेको बही खाता लेजर गलत ढंगले सिर्जना गरिएको हो भनी वादी पक्षले कुनै प्रमाणबाट खण्डन गर्न सकेको 

देखिँदैन । तसर्थ, अभियोग दाबीभन्दा बाहिर गई गरिएको सुरू सुर्खेत जिल्ला अदालतको फैसला न्यायिक मन र सद्‌विवेक प्रयोग नगरी भएको फैसला त्रुटिपूर्ण हुँदा उक्त फैसला बदर गरी पूर्ण सफाइ पाउँ भन्‍नेसमेत बेहोराको पुनरावेदक प्रतिवादी डिल्लीप्रसाद सापकोटाले पुनरावेदन अदालत सुर्खेतमा मिति २०७२।४।१२ मा गरेको पुनरावेदनपत्र ।

भावनात्मक वा भौतिक, प्रत्यक्ष वा अप्रत्यक्ष कुनै पनि रूपमा जाहेरवालाहरूलाई ललाई फकाई जालपरिपञ्च गरी झुक्याई जाहेरवालाहरूको रकम लिएको लिने खानेमा संलग्नतासमेत नजनाएको अवस्था विद्यमान हुँदाहुँदै फर्म दर्तावाला भएको कारणबाट मात्र प्रतिवादी बनाइएको र फर्म दर्तावाला भएकै आधारमा ठगीको कार्यमा संलग्न भएको अनुमान गरी मलाई सजाय र जरिवाना हुने गरी भएको सुरू सुर्खेत जिल्ला अदालतको फैसला त्रुटिपूर्ण हुँदा उक्त फैसला बदर गरी सफाइ पाउँ भन्‍नेसमेत बेहोराको पुनरावेदक प्रतिवादी तुल्सीदेवी सापकोटाको पुनरावेदन अदालत सुर्खेतमा मिति २०७२।४।१२ मा गरेको पुनरावेदनपत्र ।

म पुनरावेदक हुमलाल कँडेल आफ्नै घरमा रहे भएको छु । घरदेखि अन्यत्र कहीँकतै भागेको होइन । प्रहरी अनुसन्धानको अवस्थामा उपस्थित भई आफ्नो भए गरेको बयान गरेको छु । ममाथि संस्था बन्द गरी भागेको भनी लिइएको आधार त्रुटिपूर्ण हुनुका साथै भावनात्मक वा भौतिक, प्रत्यक्ष वा अप्रत्यक्ष कुनै पनि रूपमा जाहेरवालाहरूलाई ललाई फकाई जाल परिपञ्च गरी झुक्याई जाहेरवालाहरूको रकम लिएको लिने खानेमा संलग्नतासमेत नजनाएको अवस्था विद्यमान हुँदाहुँदै फर्म दर्तावाला भएको कारणबाट मात्र प्रतिवादी बनाइएको र फर्म दर्तावाला भएकै आधारमा ठगीको कार्यमा संलग्न भएको अनुमान गरी मलाई सजाय र जरिवाना हुने गरी भएको सुरू सुर्खेत जिल्ला अदालतको फैसला त्रुटिपूर्ण हुँदा उक्त फैसला बदर गरी सफाइ पाउँ भन्‍नेसमेत बेहोराको पुनरावेदक प्रतिवादी हुमलाल कँडेलको पुनरावेदन अदालत सुर्खेतमा मिति २०७२।४।१२ मा गरेको पुनरावेदनपत्र ।

यसमा वादी नेपाल सरकारको र प्रतिवादी डिल्लीप्रसाद सापकोटा तुलसीदेवी कँडेल र हुमलाल कँडेलको दोहोरो पुनरावेदन परेको देखिँदा मुलकी ऐन, अदालती बन्दोबस्तको २०२ नं.को प्रयोजनार्थ वादी नेपाल सरकारको पुनरावेदनको जानकारी प्रतिवादीहरूलाई र प्रतिवादी डिल्लीप्रसाद सापकोटा, तुल्सी कँडेल र हुमलाल कँडेलको पुनरावेदनको जानकारी वादी नेपाल सरकारलाई दिई नियमानुसार पेस गर्नु भन्‍ने पुनरावेदन अदालत सुर्खेतको मिति २०७२।६।२४ को आदेश ।

जाहेरवालाहरूले नै आफू र प्रतिवादीबिचको व्यवहार ठगी गर्ने उद्देश्यले नभई लेनदेनको व्यवहार भएको र सो व्यवहारसमेत मिलिसकेको भनी अदालतमा नै बकपत्र गरी सोबारे जाहेरवालाहरूले गरी दिएको लिखत कागज पेस भई अभियोग दाबी नै खण्डित भइसकेको अवस्थाबाट अभियोग दाबी ठगीको परिभाषाभित्र नपर्ने भई लेनदेन प्रकृतिको देवानी विषयको देखिन आउँदा प्रस्तुत मुद्दालाई देवानीमा परिणत गर्नुपर्नेमा ठगीको कसुर कायम गरी सजायसमेत हुने ठहर्‍याएको सुरू सुर्खेत जिल्ला अदालतबाट मिति २०७१।१२।१६ मा भएको फैसला नमिलेकोले सो हदसम्म उल्टी भई प्रस्तुत मुद्दा सरकारी मुद्दासम्बन्धी ऐन, २०४९ को दफा २७ बमोजिम लेनदेनको देवानी विषयमा परिणत हुने ठहर्छ भन्‍ने बेहोराको पुनरावेदन अदालत सुर्खेतको मिति २०७३।२।२४ को फैसला ।

प्रस्तुत मुद्दामा प्रतिवादी हुमलाल कँडेलको नाममा घरेलु तथा साना उद्योग कार्यालयबाट दर्ता गराई प्रभु मनि ट्रान्सफर र आइ.एम.ई. नामको संस्था खोली प्रतिवादी डिल्लीप्रसाद सापकोटा र तुल्सीदेवी कँडेल सञ्चालक भई श्री शिवशक्ति ट्रेडर्स एन्ड सप्लायर्ससमेत खोली सञ्चालन गरेकोमा जाहेरवाला तथा निवेदकहरूको आफन्तहरूले विदेशबाट पठाएको रकम भुक्तानी नदिई आकर्षक ब्याज दिने प्रलोभन देखाई खाता खोली बचत गर्न लगाई जाहेरवालाहरूको बचत भएको जम्मा रू.१,०८,०८,८०७।- फिर्ता नगरी संस्था बन्द गरी भागी गएकाले ठगी मुद्दा दायर भएकोमा सुरू सुर्खेत जिल्ला अदालतबाट भएको फैसलालाई उल्टी गरी पुनरावेदन अदालत सुर्खेतबाट मिति २०७३।२।२४ मा विशुद्ध लेनदेनमा परिणत गरेकोले जाहेरवालाहरूसमेतले जम्मा गरेको रकम प्रतिवादीहरूले उजुरी परेपछि मात्र फिर्ता गरेको र कुनै कानूनी इजाजतबिना रकम कलम जम्मा गर्ने ब्याज दिनेलगायतका कार्यहरू बैंक तथा वित्तीय संस्थाले गरेजस्तो गरी रकम बचत गर्ने तथा जुन उद्देश्यका लागि संस्था खोलिएको हो सो उद्देश्यविपरीत कारोबार गरेको अवस्थामा अभियोग दाबीबाट पूर्ण सफाइ दिने गरी भएको पुनरावेदन अदालत सुर्खेतको फैसलामा प्रमाण विश्लेषण, कानूनको प्रयोग र नजिरपालनाको गम्भीर त्रुटि देखिँदा उक्त फैसला बदर गरी निज प्रतिवादीहरूलाई सुरू अभियोग दाबीबमोजिम नै सजाय गरी पाउन सम्मानित अदालतसमक्ष सादर अनुरोध गरिन्छ भन्‍नेसमेत बेहोराको मिति २०७३।८।९ को पुनरावेदनपत्र ।

यसमा अभियोग पत्र दायर भइसकेपछि जाहेरावालहरूले प्रतिवादीबाट रकम फिर्ता पाइसकेको भनी बकपत्र गरेका छन् । सोही आधारबाट अभियोग दाबीबाट प्रतिवादीले सफाइ पाउने ठहर्‍याई पुनरावेदन अदालत सुर्खेतबाट फैसला भएको देखिन्छ । अभियोग दायर भइसकेपछि रकम बुझाएको आधारले फौजदारी कसुरबाट प्रतिवादीहरूलाई उन्मुक्ति दिने गरी पुनरावेदन अदालत सुर्खेतबाट मिति २०७३।२।२४ मा भएको फैसला विचारणीय देखिँदा मुलुकी ऐन, अ.बं.२०२ नं.को प्रयोजनार्थ प्रत्यर्थी झिकाई आएपछि नियमानुसार गरी पेस गर्नु भन्‍नेसमेत बेहोराको यस अदालतको मिति २०७५।२।१४ को आदेश ।

यसमा आज प्रस्तुत मुद्दा सुनुवाइ गर्दागर्दै समयभावको कारणले नभ्याएको हुनाले मिति २०७६।१०।१ गतेको दिन हेर्दाहेर्दैमा पेसी चढाई पुनरावेदक वादी नेपाल सरकारको तर्फबाट महान्यायाधिवक्ताको कार्यालय र प्रत्यर्थी प्रतिवादीको तर्फबाट निजको कानून व्यवसायीबाट लिखित बहसनोट पेसी मितिभन्दा अगावै पेस गर्न लगाई उक्त बहसनोट पेस भएमा मिसिल सामेल राखी नियमानुसार गर्नु भन्‍नेसमेत बेहोराको यस अदालतको मिति २०७६।९।९ को आदेश र दुवै पक्षहरूबाट पेस हुन आएको बहसनोट मिसिल सामेल रहेको ।

साथीको तलबको पैसा लमजुङ पठाउनलाई प्रतिवादीहरूले सञ्चालन गरेको त्रिमूर्ति मार्केटिङ संस्थामा रू.२०,१००।- जम्मा गरेकोमा साथीले पैसा नपाएको कुरा जानकारी गराएपछि उक्त संस्थामा जाँदा बन्द भएको देखेपछि आफू ठगिएको महसुस गरी जिल्ला प्रहरी कार्यालय सुर्खेतमा जाहेरी गरेको 

हुँ । पछि बुझ्दै जाँदा प्रतिवादीहरू औषधी उपचार गर्न गएका कारण संस्था बन्द भएको र मैले आफ्नो पैसा पाइसकेको छु भन्‍नेसमेत बेहोराको जाहेरवाला भुपाल सिंह वि.क.ले सुरू अदालतमा गरेको बकपत्र ।

जाहेरवाला लक्ष्मीप्रसाद गौतमसमेतले गरिदिएको भरपाई कागज निवेदक / प्रतिवादी हमलाल कँडेलले दाखिल गरी मिसिल संलग्न रहेको ।

ठहर खण्ड

नियमबमोजिम साप्ताहिक तथा दैनिक पेसी सूचीमा चढी निर्णयार्थ पेस हुन आएको प्रस्तुत मुद्दाको मिसिल संलग्न कागजातको अध्ययन गरी पुनरावेदक वादी नेपाल सरकारको तर्फबाट महान्यायाधिवक्ताको कार्यालयका विद्वान्‌ सहन्यायाधिवक्ता श्री ध्रुवकुमार चौहानले यी प्रतिवादीहरूले जुन उद्देश्यले त्रिमूर्ति मार्केटिङ (IME) र शिव शक्ति ट्रेडर्स खोली सो उद्देश्यविपरीत काम गरेको र प्रतिवादीहरूले गरेको कार्य मुलुकी ऐन, ठगीको १ नं. बमोजिमको कसुर भएको हुनाले नियतवश गरिएको कार्यको आपराधिक दायित्व हुने हुँदा आरोप दाबीबमोजिम सजाय हुनुपर्नेमा उच्च अदालत सुर्खेतले प्रतिवादीहरूलाई सफाइ दिई लेनदेनमा परिणत हुने गरी गरेको फैसला नमिलेको हुँदा उल्टी गरी प्रतिवादीहरूलाई अभियोग मागदाबीबमोजिम सजाय होस् भनी र प्रतिवादीहरूका तर्फबाट उपस्थित हुनुभएका विद्वान्‌ वरिष्ठ अधिवक्ता श्री शम्भु थापा र अधिवक्ताद्वय श्री कृष्ण थापा र श्री उज्ज्वल घिमिरेले यी प्रतिवादीहरूले गरेको कार्य मुलुकी ऐन, ठगीको महलले गरेको परिभाषाभित्र 

पर्दैन । लेजरमा कारोबारको हिसाब गरी राखेको अवस्था छ । यो विशुद्ध लेनदेन प्रकृतिको हो । जाहेरवालाहरूसँग लिएको ऋण फिर्ता गरिसकेको छ । बिगो बाँकी छैन । जाहेरवालाले ठगी नहुने भनी बकपत्र गरेको अवस्था छ । यी प्रतिवादीहरूको अपराध गर्ने कुनै मनसाय 

छैन । त्रिमूर्ति मार्केटिङ प्रा.लि.ले रेमिटेन्सको कार्य गर्न स्वीकृति नलिए तापनि सवएजेन्टको रूपमा काम गरेको हो । त्यसैले उच्च अदालत सुर्खेतको फैसला मिलेको हुँदा सदर होस् भनी गर्नुभएको बहससमेत सुनियो ।

अब, प्रस्तुत मुद्दामा उच्च अदालत सुर्खेतको मिति २०७३।२।२४ को फैसला मिलेको छ छैन ? पुनरावेदक वादी नेपाल सरकारको पुनरावेदन जिकिर पुग्न सक्छ सक्दैन ? सो विषयमा निर्णय दिनुपर्ने देखियो ।

यसमा प्रतिवादीहरू तुल्सीदेवी कँडेल र डिल्लीप्रसाद सापकोटाले आफ्नो हक नपुग्ने अर्काको हकको धनमाल हक पुग्ने जाहेरवालाहरूलाई विदेशबाट उनीहरूका आफन्तले पठाएको, केही जाहेरवालाहरूले एक ठाउँबाट अर्को ठाउँ पठाएको रकमपछि राम्रो ब्याज दिउँला भन्दै प्रतिवादीले रकम लिने खाने नियतले विभिन्‍न बहाना बनाई नदिई नपठाई आफूले लिए खाएको, आफूले सोको मात्र कारोबार गर्ने गरी घरेलु तथा साना उद्योग कार्यालयबाट लिएको स्वीकृतिभन्दा फरक गई ढाँटी, छलकपट गरी गफलतमा पारी, झुक्याई नगद सङ्कलनको इजाजत नपाएको कारोबार गरी प्रतिवादी हुमलाल कँडेल, तुलसीदेवी कँडेल र डिल्लीप्रसाद सापकोटाले त्रिमूर्ति मार्केटिङको नाउमा कारोबार गरी मुलुकी ऐन ठगीको महलको १ र ४ नं. बमोजिमको कसुर अपराध गरेकोले सो अपराधमा ठगीको जम्मा बिगो रू.१,०२,०८,८०७।- (एक करोड दुई लाख आठ हजार आठ सय सात रूपैयाँ) कायम गरी सोही महलको ४ नं. बमोजिम सजाय गरी पाउन र मुलुकी ऐन, ठगीको महलको ४ नं. सम्बन्धित जाहेरवालालाई उक्त रकम दिलाई भराई पाउन तथा प्रतिवादी तुलसीदेवी कँडेलले श्री शिवशक्ति ट्रेडर्स खोली निज र प्रतिवादी डिल्लीप्रसाद सापकोटासँग मिली श्री शिवशक्ति ट्रेडर्स नाउँमा कारोबार सञ्चालन गरी रू.६,००,०००।- (छ लाख रूपैयाँ) ठगी गरी मुलुकी ऐन ठगीको १ नं.र ४ नं.को कसुर गरेका हुनाले निजलाई मुलुकी ऐन, ठगीको महलको ४ नं. बमोजिम सजाय गरी जाहेरावालाहरूलाई दिलाई भराइपाउँ भन्‍ने बेहोराको अभियोग मागदाबी रहेको छ । अभियोग दाबीबमोजिमको कसुरमा म संलग्न छैन र जाहेरवालाका रूपैयाँ पैसा खाए मासेको अभियोग मागदाबीबाट फुर्सद दिलाइपाउँ भन्‍नेसमेत बेहोराको प्रतिवादी हुमलाल कँडेलले, त्रिमूर्ति मार्केटिङ मेरो ससुराको नाममा दर्ता भए पनि मैले आफैँ मेरो नितान्त व्यक्तिगत रूपमा सञ्चालन गरेको फर्म हो र शिवशक्ति ट्रेडर्स मेरो श्रीमतीका नाममा दर्ता भए पनि सम्पूर्ण कारोबार लेनदेन र जिम्मेवारी मेरो मात्र हुँदा अरू प्रतिवादीहरू कोही कसैलाई कारबाही हुने होइन, मेरो फर्ममा भएको लेनदेन कारोबार हुँदा लिने दिने जे जति रकमहरू छन् ती सबै मसँग भएका लेजरहरूबाट हिसाब निकाली लेनदेन कारोबारबाटै समस्याको समाधान हुने हुँदा मलाईसमेत ठगीमा कारबाही नगरी लेनदेन व्यवहारअन्तर्गत गरिपाउँ भन्‍नेसमेत बेहोराको प्रतिवादी डिल्लीप्रसाद सापकोटाले र अभियोग मागदाबीबमोजिम मैले ठगी गरेको छैन, जाहेरवालाहरूको के-कति रकम लिनु दिनु छ सो सबै कुरा मेरो लोग्नेको रेकर्ड लेजर तथा खाताहरू हेरी लेनदेनमा कारबाही हुनुपर्ने हो भन्‍नेसमेत बेहोराको प्रतिवादी तुल्सीदेवी कँडेल (सापकोटा) ले सुरू जिल्ला अदालतमा गरेको बयान भएकोमा प्रतिवादी हुमलाल कँडेललाई ठगीको १ र ४ नं. बमोजिम १ वर्ष कैद र रू.३८,०२,९३६।- जरिवाना, प्रतिवादी तुलसीदेवी कँडेल सापकोटालाई ठगीको १ र ४ नं. बमोजिम ४ वर्ष कैद र रू.३८,०२,९३६।- र प्रतिवादी डिल्लीप्रसाद सापकोटालाई ठगीको १ र ४ नं. बमोजिम ५ वर्ष कैद र रू.३८,०२,९३६।- जरिवाना भएकोमा सो फैसलाउपर प्रतिवादीहरूको र बिगो कायम गरी बिगोबमोजिम जरिवाना गरी पाउन नेपाल सरकारको उच्च अदालत सुर्खेतमा पुनरावेदन परी सो पुनरावेदन अदालतबाट सुरू जिल्ला अदालतको फैसला उल्टी गरी लेनदेनमा परिणत हुने ठहर्‍याई भएको फैसलाउपर वादी नेपाल सरकारको यस अदालतमा पुनरावेदन परेको देखियो ।

२. निर्णयतर्फ विचार गर्दा, निज प्रतिवादीहरूले त्रिमूर्ति मार्केटिङ र शिवशक्ति ट्रेडर्समार्फत गरेको आर्थिक कारोबार ठगीको विषय हो वा लेनदेनको विषय हो ? सो विषयमा हेर्दा त्रिमूर्ति मार्केटिङ श्यामप्रकाश सापकोटाको नाउँबाट प्रतिवादी प्रतिवादी हुमलाल कँडेलको नाउँमा नामसारी भएको र शिवशक्ति ट्रेडर्स एन्ड सप्लायर्स प्रतिवादी तुलसीदेवी सापकोटाको नाउँमा दर्ता भएको 

देखिन्छ । सो संस्थाहरूको दर्ता हुँदाको उद्देश्य एवं कार्यक्षेत्र हेर्दा अनुसन्धानको क्रममा जिल्ला प्रहरी कार्यालय सुर्खेतले उक्त फर्मले सर्वसाधारणलाई अधिक ब्याज उपलब्ध गराउने भनी बचत खातासमेत खोली बैंकिङ तथा वित्तीय कारोबारसमेत गरेको देखिएकोले त्रिमूर्ति मार्केटिङ दर्ता भई इजाजत लिएको घरेलु तथा साना उद्योग विकास समितिको कार्यालय, वीरेन्द्रनगर, सुर्खेतमा सोधनी गर्दा सो कार्यालयको च.नं.३५७६ मिति २०६९।१२।२८ को पत्रबाट “सो फर्मको उद्देश्यमा रेमिट्यान्ससम्बन्धी काम गर्ने इजजात लिएको हुँदा उक्त फर्मको अन्य उद्देश्य नरहेको” बेहोरा अनुरोध छ भनी लेखी आएको देखिन्छ । यसरी यी दुवै संस्थाहरूमार्फत बढी ब्याज दिने प्रलोभन देखाई सर्वसाधारणको रकम नदिई रेमिट्यान्सको कारोबार गर्दा प्राप्त रकम आफूसँगै राखी ललाईफकाई गफलतमा पारी आफ्नो हक नपुग्ने अर्काको रकम आफूले नै राखी चलाएको मिसिल संलग्न कागजातबाट देखिन्छ ।

३. जाहेरवाला ऋषिप्रसाद शर्मासमेतले यी प्रतिवादीहरूले रेमिट्यान्सको रकम लिई पाउने व्यक्तिलाई रकम पुर्‍याई दिएनन्, बाहिरबाट आएको रेमिट्यान्स रकम हामीलाई दिएनन्, फिर्ता दिनुपर्ने वा पक्षले पाउनुपर्ने रकम संस्थामा खाता खोल्न लगाई राखिदिए, पाउनुपर्ने रकम दिएनन् र अन्तत: संस्था बन्द गरी भागे भनी जाहेरी दरखास्त परेको देखिन्छ । जाहेरवालाहरूको दरखास्त परी अनुसन्धान भई सम्बन्धित अदालतमा अभियोगपत्र दायर भएपछि पाउनुपर्ने बाँकी रकम बुझी लियौं भनी अधिकांश जाहेरवालाहरूले मिति २०७१ वैशाख / जेष्ठमा भरपाई गरेगराएको देखिन्छ । मिति २०७० साल असार महिनादेखि जाहेरी पर्न सुरू गरेकोमा मिति २०७०।६।१६ मा ठगी मुद्दामा सुर्खेत जिल्ला अदालतमा अभियोगपत्र दायर भइसकेपछि मिति २०७१ वैशाख / जेष्ठमा बिगो रकम बुझी भरपाई गरिदियौं भनी अधिकांश जाहेरवालाहरूले कागज गरिदिएको अवस्था देखिन्छ । दुवै संस्थाहरूमार्फत जाहेरवालाहरूलाई दिनुपर्ने रकमहरूमा बढी ब्याज दिने प्रलोभन देखाई कारोबार गरेको र आफूले जम्मा गरेको रकम विभिन्‍न बहाना गरी भुक्तानी नदिई संस्थाको कार्यालय नै बन्द गरिएको देखिन्छ । यसरी संस्थाको कार्यालय बन्द गरी कारोबार गर्ने व्यक्ति सम्पर्कविहीन भएको अवस्थामा जाहेरवालाहरूले जाहेरी दरखास्त दिई अनुसन्धान भई सम्बन्धित अदालतमा मुद्दा दायर गरिसकेपछि जाहेरवालाहरूको रकम दिई भर्पाई गरेको अवस्था देखिएको हुनाले कानूनविपरीतको कसुर गरेपछि कसुरबाट बच्नको लागि अधिकांश जाहेरवालाहरूलाई रकम बुझाई भर्पाई पेस गरेको देखिन्छ । यसबाट बिगोमा असर परे पनि अभियुक्तले आफूले साबिकमा गरेको कसुरजन्य कार्यबाट पूर्णत: उन्मुक्ति पाउने अवस्था देखिन आएन ।

४. मुलुकी ऐन, ठगीको १ नं. अनुसार “कसैले आफ्नो हक नपुग्ने अर्काको हकको चल–अचल धनमाल हक पुग्नेलाई वा जसका जिम्मामा रहेको छ उसलाई ललाईफकाई वा जाल परिपञ्च गरी वा आफ्नो हक नभएको सम्पत्तिमा आफ्नो हक पुग्ने किर्ते कागज बनाई, दिई वा पेस गरी वा आफूसँग नभएको कुरा आफूसँग छ भनी झुक्याई वा झुठो कुरालाई सद्दे हो भनी झुक्याई वा अरू जुनसुकै बेहोरासँग धोका दिई गफलतमा पारी आफ्नो हक नपुग्ने अर्काको हकको चलअचल धनमाल लिए दिए दिलाएमा वा अर्काको माल मेरो हो भनी वा मेरो भएको छ भनी लिखत गरी वा नगरी सोही माल लिए दिए बिक्री व्यवहार गरेमा वा सट्टापट्टा गरी लिएमा ठगी गरेको ठहर्छ” भनी उल्लेख गरेको देखिन्छ । प्रस्तुत मुद्दामा रेमिट्यान्सबापत एक व्यक्तिले अर्को व्यक्तिलाई पठाएको रकम इच्छित भुक्तानी प्राप्तकर्तालाई नदिई आफ्नो हक नपुग्ने अर्काको हकको सम्पत्ति धनमाल हक पुग्नेलाई झुक्याई गफलतमा पारी बढी ब्याजको लोभलालचसमेत दिई भुक्तानी दिनुपर्ने समयमा नदिई फरार भएको तथ्यमा विवाद देखिँदैन । जाहेरवालाहरूको रकम आफ्नो संस्थाहरूमा बढी ब्याजको प्रलोभन देखाई आफ्नो हक नपुग्ने रकमहरू आफूसँगै राखी कारोबार गर्ने कार्य गरी जाहेरवालाहरूले जम्मा गरेको रकम माग गर्दा विभिन्‍न बहाना गरी मागेको समयमा रकम फिर्ता नगरी संस्थाको कार्यालय नै बन्द गरी सम्पर्कविहीन भएको देखिएकोले रेमिट्यान्सको भुक्तानी प्राप्त गर्ने अधिकार भएका व्यक्तिहरूलाई गफलतमा पारी धोका दिएको यस्तो कार्य ठगीको परिभाषाअन्तर्गत पर्ने नै देखियो । यसै सम्बन्धमा यस सर्वोच्च अदालतबाट पुनरावेदक / वादी विष्णु सुवेदीसमेतको जाहेरीले नेपाल सरकार विरूद्ध प्रत्यर्थी / प्रतिवादी दीप बस्यालसमेत भएको ठगी मुद्दा (ने.का.प.२०६७, अङ्क १, नि.नं.८३०२) मा, “संस्थाका पदाधिकारीहरूको नियत सफा नदेखिएको र सामूहिक रूपमै सर्वसाधारणलाई झुट्टा प्रलोभन देखाई, झुक्याई रकम सङ्कलित गरेको र संकलित रकम संस्थाको उद्देश्यअनुरूप खर्च नगरी व्यक्तिगत फाइदाका लागि दुरूपयोग गरेको देखिन आउँछ । यी सबैले संस्थाको नाउँमा बचतकर्ताहरूलाई झुक्याई आफू आफूले खाने पचाउने नियतले बचतकर्ताहरूको रकम र सोको प्रतिफलसमेत फिर्ता नगरी बदनियतपूर्वक कानूनविपरीतको कार्य गरी ठगीको कसुर गरेको प्रमाणित हुने” भनी फैसला गरेको पाइन्छ । त्यसरी नै यस सर्वोच्च अदालतबाट पुनरावेदक नारायण थापा विरूद्ध नेपाल सरकार भएको ठगी मुद्दा (ने.का.प.२०६६, अङ्क ४, नि.नं.८११९) मा, "आफ्नो सहकारी संस्थामा राम्रो ब्याज दिने भनी आकर्षण देखाई रकम जम्मा गर्न लगाई निजहरूले मागेका बखत रकम फिर्ता नदिई संस्था नै बन्द गरी हिँडेको कार्यलाई बचतकर्ताहरूलाई गलफतमा पारी धोका दिएको होइन भन्‍न कानूनतः नमिल्ने" भन्‍ने सिद्धान्तसमेत प्रतिपादन भएको पाइन्छ । साथै यस सर्वोच्च अदालतबाट पुनरावेदक प्रतिवादी ओमकुमार श्रेष्ठ विरूद्ध प्रत्यर्थी वादी जिल्ला प्रशासन कार्यालय, सिन्धुलीसमेतको जाहेरीले वादी नेपाल सरकार भएको ठगी मुद्दा (ने.का.प.२०६९, अङ्क ३, नि.नं.८७९३) मा समेत, “समान प्रकृतिका अन्य मुद्दामा सम्मानित सर्वोच्च अदालतबाट ठगी गर्ने र ठगिनेका बिचमा भएको भाखाको तमसुकको लिखतले अथवा फौजदारी प्रकृतिको दायित्वलाई देवानी दायित्वमा परिणत गरी जरिवाना तथा कैदको सजायबाट उन्मुक्ति दिने भएकोले भाखाको तमसुक भनिएको उक्त लिखतलाई कानूनी मान्यता प्राप्त तमसुकसरह स्वतन्त्र रूपमा अदालतले मान्यता दिने र त्यस्तो लिखतलाई कानूनी रूपमा मान्यता दिई चलन चलाउन सकिने प्रकृतिको हुनुपर्ने भएकोले भाखाको तमसुकले अन्य देवानी दायित्व सिर्जना गर्ने लिखतसरह कानूनी मान्यता प्राप्त गर्नको लागि त्यस्तो लिखतमा न्यूनतम चार तत्त्वहरू विद्यमान भएको हुनुपर्नेः १. ठगिने र ठग्ने दुवै पक्षको प्रत्यक्ष उपस्थितिमा दुवै पक्षबिच रीतपूर्वकको कागज भएको हुनुपर्ने, २. कुनै तेस्रो पक्षको हस्तक्षेप बिना स्व:इच्छापूर्वक दुवै पक्षको सहमतिमा भएको हुनुपर्ने, ३. निश्चित समयमा तिर्ने बुझाउने सर्त र रकम खुलेको भाखा हुनुपर्ने, ४. भाखाको तमसुक भनिएको लिखतबाट साहु र आसामीबिचको सम्बन्ध स्थापित भएको देखिनुपर्ने र यस्तो लिखतलाई अदालतबाट प्रचलन गराउन सकिने किसिमको हुनुपर्ने” भनी व्याख्या भएको पाइन्छ ।

५. यसरी मुलुकी ऐन, ठगीको महलको १ नं. बमोजिम कसुर गरेको पुष्टि हुने आधार र प्रमाण हुँदाहुँदै पुनरावेदन अदालत सुर्खेतले अभियोग दाबीबमोजिम ठगीको परिभाषाभित्र नपर्ने भनी सुरू सुर्खेत जिल्ला अदालतको फैसलालाई उल्टी गरी सरकारी मुद्दासम्बन्धी ऐन, २०४९ को दफा २७ बमोजिम लेनदेनमा परिणत हुने ठहर्‍याई भएको पुनरावेदन अदालत सुर्खेतको मिति २०७३।२।२४ मा भएको फैसला कानून र न्यायको रोहमा मिलेको देखिन 

आएन ।

६. जाहेरवालाहरूको बिगो सम्बन्धमा विचार गर्दा, प्रस्तुत मुद्दामा सबै जाहेरवालाहरूले दाबीबमोजिमको रकम पाए नपाएको सम्बन्धमा मिसिल संलग्न कागजातबाट स्पष्ट खुल्न आएको देखिँदैन । जाहेरवालाहरूले सुरू अदालतमा उपस्थित भई बकपत्र गर्दा जाहेरवालाहरूले यी प्रतिवादीहरूबाट आफूले पाउनुपर्ने रकम पाए नपाएको स्पष्ट उल्लेख गरेको पाइँदैन । प्रतिवादीहरूले जाहेरवालाहरूको रकम बुझाइसकेको भनी जिकिर लिएकोमा मिसिल संलग्न भर्पाई हेर्दा जाहेरवालाहरूमध्ये केही जाहेरवालाहरूलाई मात्र रकम बुझाई भर्पाई पेस गरेको देखिन्छ । यदि बिगो रकम जाहेरवालाहरूले यी प्रतिवादीहरूबाट लिन बाँकी भए कानूनबमोजिमको उपचार पाउन सक्ने नै हुन्छ । नेपाल सरकारको यस अदालतमा परेको पुनरावेदनमा जाहेरवालाहरूको बिगो सम्बन्धमा हाल कुन-कुन जाहेरवालाहरूको के-कति बिगो रकम भराउन बाँकी रहेको छ सो सम्बन्धमा पुनरावेदन जिकिर लिएको नदेखिँदा त्यसतर्फ बोलिरहन पर्ने अवस्था देखिएन ।

७. पुनरावेदन अदालत सुर्खेतको फैसला उल्टी भई अभियोग दाबीबमोजिम कसुर हुने ठहरेकोले निज प्रतिवादीहरूको भूमिका के रहेको छ ? के-कस्तो सजाय हुने भन्‍ने सम्बन्धमा मिसिल संलग्न कागजात हेर्दा त्रिमूर्ति मार्केटिङ श्यामप्रकाश सापकोटाको नाउँबाट प्रतिवादी हुमलाल कँडेलको नाउँमा नामसारी भएको र शिवशक्ति ट्रेडर्स एन्ड सप्लायर्स प्रतिवादी तुलसीदेवी सापकोटाको नाउँमा दर्ता भएको 

देखिन्छ । प्रतिवादी डिल्लीप्रसाद सापकोटाले सुरू जिल्ला अदालतमा बयान गर्दा त्रिमूर्ति मार्केटिङ मेरो ससुराको नाममा दर्ता भए पनि मैले आफैँ मेरो नितान्त व्यक्तिगत रूपमा सञ्चालन गरेको फर्म हो र शिवशक्ति ट्रेडर्स मेरो श्रीमतीका नाममा दर्ता भए पनि सम्पूर्ण कारोबार लेनदेन र जिम्मेवारी मेरो मात्र हुँदा अरू प्रतिवादीहरू कोही कसैलाई कारबाही हुने होइन भनी बयान गरेको देखिएको, त्यसरी नै प्रतिवादी तुल्सीदेवी कँडेल (सापकोटा) ले जाहेरवालाहरूको के-कति रकम लिनु दिनु छ सो सबै कुरा मेरो लोग्नेको रेकर्ड लेजर तथा खाताहरू हेरी लेनदेनमा कारबाही हुनुपर्ने हो भन्‍नेसमेत बेहोराको सुरू अदालतमा गरेको बयान रहेको, निजको नाउँमा शिवशक्ति ट्रेडर्स एन्ड सप्लायर्स दर्ता भए तापनि निजको ठगी गर्ने कार्यमा संलग्नता पुष्टि हुन नसकेको, सो संस्थाको सम्पूर्ण आर्थिक कारोबारको जिम्मा निजको पति प्रतिवादी डिल्लीप्रसाद सापकोटाले गरेको देखिएको छ । त्यसरी नै अर्का प्रतिवादी हुमलाल कँडेलको हकमा विचार गर्दा, जाहेरवालाका रूपैयाँ पैसा खाए पाए मासेको छैन, उक्त त्रिमूर्ति मार्केटिङमा म कहिल्यै जाँदैनथे, मैले कुनै आर्थिक कारोबार गरेको छैन, जाहेरवालाको कुनै पनि रकम मैले ठगी गरेको नहुँदा अभियोग मागदाबीबाट फुर्सद दिलाइपाउँ भन्‍नेसमेत बेहोराको प्रतिवादी हुमलाल कँडेलले सुरू अदालतमा गरेको बयानबाट देखिएको, निजले सो संस्थामा आर्थिक कारोबार गरेको नदेखिएको र निजले आर्थिक कारोबार गरी रकम हिनामिना गर्ने कुनै मनसाय नदेखिएको एवं मिसिल संलग्न कागज प्रमाणहरूबाट प्रतिवादीमध्येका डिल्लीप्रसाद सापकोटाले नै सम्पूर्ण वित्तीय कारोबार गरेको मिसिल संलग्न कागजातबाट देखिन आएको 

छ । ठगी जस्तो फौजदारी अपराधमा कसुरदार ठहराउन आरोपित व्यक्तिको ठगी गर्ने मनसाय थियो थिएन भनी हेर्नु आवश्यक हुन्छ । कुनै फर्म वा कम्पनीको आडमा कुनै व्यक्तिले अपराधजन्य कार्य गरेको छ भने फर्म वा कम्पनी दर्ता रहेकै कारण दर्तावालालाई कसुरदार ठहर्‍याउन न्यायोचित हुँदैन । जाहेरवालासँग त्यस्तो कम्पनी वा फर्मको दर्तावालाको प्रत्यक्ष वा अप्रत्यक्ष कुनै सम्पर्क थियो थिएन, त्यस्तो दर्तावालाले योजना तैयार गरी अरू व्यक्तिमार्फत कुनै रकम लिने खाने प्रपञ्‍च गरेको हो, होइन, ठगीबाट तत्काल प्राप्त गरेको लाभको कुनै अंश त्यस्तो दर्तावालाले आफैँले लिए खाएको देखिन्छ, देखिँदैन, इत्यादि सबुद प्रमाणको आधारमा मात्र कुनै व्यवसाय वा सम्पत्तिको दर्तावालाको आपराधिक दायित्व थियो, थिएन भनी हेर्नु आवश्यक हुन्छ । आपराधिक दायित्वको निर्क्यौल यान्त्रिक रूपमा दर्ताको आधारमा मात्र गर्ने होइन, फौजदारी न्याय प्रणालीसम्बन्धी न्यायका मान्य सिद्धान्त तथा कानूनी व्यवस्था र मुद्दाको तथ्यबिच तादम्यता राखी कसुर स्थापित गर्नु आवश्यक हुन्छ । प्रतिवादीहरू हुमलाल कँडेल र तुलसीदेवी कँडेल (सापकोटा) ले माथि उल्लेख गरेबमोजिमको आपराधिक कार्यको दायित्व बेहोर्नुपर्ने प्रकृतिको कसुर गरेको अवस्था देखिन आएन ।

८. तसर्थ, माथि उल्लिखित आधार र कारणहरूबाट सुरू सुर्खेत जिल्ला अदालतबाट मिति २०७१।१२।१६ मा आरोप दाबीबमोजिम ठगी हुने ठहर्‍याई भएको फैसला उल्टी गरी सरकारी मुद्दासम्बन्धी ऐन, २०४९ को दफा २७ बमोजिम लेनदेनमा परिणत हुने ठहर्‍याई भएको पुनरावेदन अदालत सुर्खेतबाट मिति २०७३।२।२४ मा भएको फैसला मिलेको नदेखिँदा उल्टी भई प्रतिवादी डिल्लीप्रसाद सापकोटाले मुलुकी ऐन, ठगीको महलको १ नं. बमोजिम ठगी गरेको ठहर्छ । ठगी हुने ठहरेकोले मुलुकी ऐन, ठगीको ४ नं. बमोजिम निज प्रतिवादी डिल्लीप्रसाद सापकोटालाई १ (एक) वर्ष कैद र जाहेरवालाहरूले रकम पाइसकेको भन्‍ने दाबी भए पनि अब कसको के-कति रकम तिर्न बाँकी रहेको छ भन्‍ने कुरा मिसिल संलग्न कागजातबाट स्पष्ट खुल्न नआएको र त्यस्ता जाहेरवालाले लिन बाँकी कुनै रकम बाँकी भए प्रमाणसाथ बाँकी रकम दाबी गरी असुल गर्न सक्ने नै हुँदा जरिवानाको हकमा निजलाई रू.५,०००।- (पाँच हजार रूपैयाँ) जरिवाना हुने ठहर्छ । अन्य प्रतिवादीहरू हुमलाल कँडेल र तुलसीदेवी कँडेल (सापकोटा) ले आरोप दाबीबाट सफाइ पाउने ठहर्छ । अरूमा तपसिलबमोजिम गर्नू । 

तपसिल

माथि ठहर खण्डमा अभियोग दाबीबमोजिम ठगीको कसुर ठहर भएकोले प्रतिवादीमध्ये डिल्लीप्रसाद सापकोटालाई १ (एक) वर्ष कैद र रू.५,०००।- (पाँच हजार रूपैयाँ) जरिवाना हुने ठहरी फैसला भएकोमा निज प्रतिवादी मिति २०७०।९।३० गतेदेखि मिति २०७३।२।२४ गतेसम्म जम्मा २ वर्ष ४ महिना २४ दिन कैदमा बसेको देखिँदा निज प्रतिवादीलाई लागेको कैद वर्ष १ भन्दा १ वर्ष ४ महिना २४ दिन बढी कैदमा बसेको देखिँदा निजलाई लागेको रू.५,०००।- जरिवाना रू.३००।- बराबर दिन १ को दरले कैद कट्टा हुने हुँदा सोको लगत राखी निज प्रतिवादीलाई लागेको कैद र जरिवाना कट्टा गर्नु भनी सुरू जिल्ला अदालतमा लगत दिनू --------------------------------------------१

माथि ठहर खण्डमा प्रतिवादी हुमलाल कँडेल र तुलसीदेवी कँडेलले ठगीको कसुरबाट सफाइ पाउने ठहर भएकोले मुद्दाको पुर्पक्षको सिलसिलामा राखेको जेथाजमानत सुर्खेत जिल्ला अदालतको च.नं.२२४५ मिति २०७०।१२।४ को पत्रले रोक्‍का रहेको जग्गा धनी हुमलाल कँडेल जिल्ला सुर्खेत तत्कालीन गाउँ विकास समिति जर्बुटा वडा नं.१क कित्ता नं.२०१० को ज.वि.०-०-१७ र ऐ. को कित्ता नं.२०१२ को ज.वि.०-१-५११/२ जग्गा र सोमा बनेको घरसमेत फुकुवा गरिदिन सम्बन्धित मालपोत कार्यालयमा लेखी पठाउनु भनी सुरू जिल्ला अदालतमा लेखी 

पठाउनू ----------------------------------------------२

प्रस्तुत फैसलाको नक्‍कलसहितको जानकारी महान्यायाधिवक्ताको कार्यालयलाई दिनू -------------३

प्रस्तुत मुद्दाको दायरीको लगत कट्टा गरी मिसिल नियमानुसार अभिलेख शाखामा बुझाइदिनू ----------४

 

उक्त रायमा सहमत छु ।

न्या.पुरूषोत्तम भण्डारी

 

इजलास अधिकृत:- लालसिंह थापा

इति संवत् २०७६ साल माघ २३ गते रोज् ५ शुभम् ।