(१) भ्र.नि.ऐन, २०१७ को दफा १९(३) मा गिरफ्तार गरिएको व्यक्तिलाई प्रचलित प्रहरी सम्बन्धी कानूनले दिएको अधिकार भन्दा बढी समयसम्म हिरासतमा राख्न परे विशेष प्रहरी अधिकृतले यो ऐन अन्तर्गत तोकिएको वा गठित अदालतको न्यायाधीशको अनुमति लिई थप ३ महीनासम्म हिराशतमा राख्न सक्नेछ भन्ने व्यवस्था गरिएको पाइने, सो व्यवस्था मुताविक ३ महीनाभन्दा बढी समयसम्म विशेष प्रहरी अधिकृतले कुनै हालतमा पनि अनुसन्धानको लागि हिराशतमा राख्न नसक्ने ।

(१) प्रहरी समक्ष आफू सावित भई अदालतमा मात्र कसूरमा इन्कार रहेको सह–अभियुक्तले गरेको पोल अरु कतैबाट स्वतन्त्र रुपमा पुष्टी भएको देखिन नआएकोले सफाई पाउने ठहर्‍याएको इन्साफ सदर गरेको फैसला मनासिव ठहर्ने ।

(१) केवल मिति नखुलेको कारणले मात्र एकपटक प्रकाशित भइसकेको २ नं. अनुसूचीलाई प्रकाशित भएको होइन भन्न नमिल्ने ।

(१) जाहेरवालीले चिनेको भनी बकपत्र गरेको हकमा अघिदेखि बेइज्जती मुद्दा प्रतिवादीहरूसँग परेको देखिएबाट केवल उनको बकपत्रलाई मुख्य आधार मानेर कसूरदार ठहर्‍याउन नमिल्ने ।

(१) आफ्नो हक स्थापित गराउने प्रमाण नै कानूनी रुपबाट निस्कृय भई गएपछि त्यस्तो निस्कृय प्रमाणबाट हक स्थापित हुन नसक्ने ।

(१) राष्ट्र सेवक वा कुनै व्यक्तिले आफूलाई गैरकानूनी फाइदा र सरकारी मान्यता प्राप्त कुनै संस्थालाई गैरकानूनी हानी पुर्‍याउने कुनै काम कुरो गरेमा भ्रष्टाचारको आरोप या अभियोग नमान्न र भष्ट्राचार निवारण ऐन अन्तर्गत कारवाही गर्न नमिल्ने भन्न नसकिने ।

(१) आफूलाई भएको अख्तियारको कानूनी आधार प्रमाण कुनै पनि पेश गर्न नसकेको यस्तो स्थितिमा बैंकको कर्मचारी नियमावली, बमोजिम नोकरीबाट वर्खास्त गर्ने गरी बैंकबाट भएको निर्णय उचित र पर्याप्त आधारमा कानून अनुरुप नै गरे भएको देखिने ।

(१) उजूरीमा उल्लेख भएको जग्गाका कि.नं.उल्लेख नगरी उजूरी नै नपरेको जग्गाको कि.नं.उल्लेख गरी जारी गरेको वेरीतको सूचना म्यादबाट प्रतिवाद नगरेको भनी दोष लगाउन नमिल्ने यस्तोमा प्रत्यर्थीको निर्णय प्राकृतिक न्याय सिद्धान्तको बिपरीत भई त्रुटिपूर्ण देखिने ।

(१) अधिकार प्राप्त अधिकारीले सबूद प्रमाणको मूल्यांकन गरी अधिकार क्षेत्र भित्र रही निर्णय गरेको देखिएकोले रिट निवेदकका माग अनुसारको आदेश जारी गर्न नमिल्ने ।

(१) वादी दावी भन्दा बाहिर गई गरेको निर्णय त्रुटिपूर्ण देखिने ।

(१) झगडा परेको जग्गा वादी दावीको ४ किल्लासंग मिली भिडेको देखिने, प्रतिवादीको किल्लासंग भिडेको नदेखिने यस्तो स्थितिमा विवादको जग्गा वादीको राजीनामाको जग्गा देखिन आएको हुँदा वादी दावी बमोजिम प्रतिवादीका नाममा ७ नं. नापी गोश्वाराले दर्ता गरेको दर्ता बदर हुने ।

(१) एकै मितिमा एकभन्दा बढी मुद्दामा कैदको सजायँ ठेक्नु पर्ने भयो भने सबैभन्दा ठूलो हदको कैदमा अरु कैदको सजायँ गाभिन जाने र धेरै कलमको कैद बराबर हुन आएकोमा कुनै एक कलमको कैद गर्नु पर्ने ।